যিহিষ্কেল 38:8 - Chakma Bible

⁸ ভালোক্ বজর্ পরেদি তরে যুদ্ধোত্তে ডাগা অবঅ। সেক্কে তুই এমন এক্কান দেজ্ আক্রমণ গুরিবে যে দেজ্‌‌‌‌‌‌চান যুদ্ধোত্তুন্ রেহাই পেইয়্যে, যার মানুচ্চুনে ভালোক্ জাদ ভিদিরেত্তুন্ ইস্রায়েলর্ মুড়ো-মুড়িত্ এগত্তর্ ওইয়োন। সেই দেজ্‌‌‌‌‌‌চান ভালোক্ দিন ধুরিনে মানুচ্ নেইয়্যে এলঅ, মাত্তর্ তর্ আক্রমনর্ আগেদি নানান্ জাদ ভিদিরেত্তুন্ তা মানুচ্চুনোরে নিগিলেই আনা অবঅ, আর সেক্কেনে তারা বেক্কুনে গমেডালে বজত্তি গুরিবাক্।

যিহিষ্কেল 38:8 ပူးပေါင်းရင်းမြစ်များ

পত্থম 49:1

পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্‌ যিয়েনি ঘুদিবো সিয়েনি মুই তমারে কোই দোঙর্‌।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যিশাইয় 24:22

জেলখানা গাদত্ যেধোক্ক্যেন গুরি বন্দিগুনোরে একসমারে রাগা অয় সেধোক্ক্যেন গুরি তারারে একসমারে রাগা অবঅ। তারারে বানি রাগা অবঅ জেলখানাত্ আর ভালোক্ দিন পরে তারারে সাজা দিয়্যে অবঅ।

যিশাইয় 8:9

“ও জাদ্‌তুন্, তুমি এগত্তর্ অ, মাত্তর্ তুমি ভস্ত অবা; ও দূরোর্ দেজ্‌‌ছানি, শুনো, তুমি যুদ্ধোত্তে যুক্কোল্ অ, মাত্তর্ তুমি ভস্ত অবা; অয়, যুদ্ধোত্তে যুক্কোল অ, মাত্তর্ তুমি ভস্ত ন-অবা।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 32:37

মুই অমকদ বেজার্ আর জ্বোল্‌‌‍জোল্যে আর দর্‌গরেপারা রাগে মুই তারারে যেদক্কানি দেজত্ ধাবেই দুয়োং সিয়েনিত্তুন মুই হামাক্কায় তারারে এগত্তর্ গুরিম। মুই এ জাগাত্ তারারে ফিরেই আনিম আর গমেডালে বজত্তি গুরিবাত্তে দিম্।‌‍‍‍

যিরমিয় 32:5

বাবিলোর রাজা সিদিকিয়রে বাবিলোত্ নেযেবে আর যেদক্কন সং মুই তাইন্দি মনযোগ ন-দিম্ সেদক্ ভিলোন সং তে সিদু থেবঅ। সেনত্তে বাবিলীয়গুনো সমারে যুদ্ধো গুরিলেয়ো তুমি ফোলেই ন-পারিবা। ”

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

যিরমিয় 48:47

মাত্তর্ আগামিদি মুই মোয়াবর অবস্থা ফিরেম। মুই লগেপ্রভু এ কধাগান কঙর্।” মোয়াবর বিচেরর কধা ইয়োত্ থুম্ ওইয়্যে।

যিরমিয় 49:39

মাত্তর্ আগামিদি মুই এলমর অবস্থাগান্ ফিরেম। মুই লগেপ্রভু এ কধাগান কঙর্।”

আবিলেচ্ 4:22

ও সিয়োন-ঝিবো, তঅ সাজাগান শেজ্ অবঅ; তে তরে আর্ বন্দীদজাত্ ফেলেই ন-রাগেব; মাত্তর্ ও ইদোম্-ঝিবো, তে তর্ অন্যেয়র সাজা দিবো আর তঅ পাপ্‌পানি ফগদাং গুরিবো।

যিহিষ্কেল 28:26

সিয়েনত্ তারা ঘর-বাড়ি বানেইনে গমেডালে বজত্তি গুরিবাক্ আর আংগুর খেত্ গুরিবাক্। তারার ঠাট্টা-মশকারি গুরিয়্যে কায়কুরে জাদ্‌‌‌‌‌‌‌‌‌‌‌‌‌ বেক্কুনোরে যেক্কে মুই সাজা দিম সেক্কে তারা গমেডালে বজত্তি গুরিবাক্। সেক্কে তারা হবর্ পেবাক্, মুয়ই তারার্ গোজেন লগেপ্রভু।”

যিহিষ্কেল 34:13

মুই নানান্ জাদ আর দেজ ভিদিরেত্তুন্ তারারে নিগিলেই আনিম আর তারার্ নিজো দেজত্ তারারে এগত্তর্ গুরিম। ইস্রায়েলর্ মুড়ো-মুড়ি উগুরে, গাঙ পারত্ আর দেজর্ বেক বজত্তি গুরিবার জাগায়ানিত্ মুই তারারে চোরেম্।

যিহিষ্কেল 38:14

সেনত্তে, ও মান্‌জ্যর পুয়োবো, তুই গোগরে এই আগাম্ কধানি কঅ, প্রভু লগেপ্রভু কোইয়্যেদে, সেদিন্যে যেক্কে মঅ মানুচ্চুনে ইস্রায়েলত্ গমেডালে বজত্তি গুরিবাক্ সেক্কে তুই কি সিয়েন খিয়েল্ ন-গুরিবে?

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

যিহিষ্কেল 39:26

যেক্কে তারা তারার্ দেজত্ গমেডালে বজত্তি গুরিবাক্ আর কনজনে তারারে দর্‌‌বুক ন-দেগেবাক্ সেক্কে মঅ উগুরে অবিশ্বেজর্ কারনে তারার্ লাজ কধা তারা ভুলি যেবাক্।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

গণাণা 24:14

মুই ইক্কিনে মর্‌ মানুচ্চুনো ইদু ফিরি যাঙর্‌, মাত্তর্‌ তা আগেন্দি মুই তরে উজিয়ার্‌ গুরি কোই দি যাঙর্‌ এই জাদ্‌তো আগামিদি তর্‌ জাদ্‌তো উগুরে কি গুরিবো।”

দ্বি’লম্বর বিররণ 4:30

যেক্কেনে তুমি দুগোত্‌ পুরিবা আর এই বেক্কানি তমা উগুরে ঘুদি যেবঅ সেক্কে আগামি দিনুনোত্‌ তুমি তমা গোজেন লগেপ্রভু ইদু ফিরি এবা আর তার্‌ বাধ্য ওইনে চলিবা।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।