যিহিষ্কেল 38:4 - Chakma Bible

⁴ মুই তরে পিজেদি ঘুরিনে তর্ মাড়িগানত্ হেবা লাগেম্ আর তর্ পুরো সৈন্যদলর লগে, অত্তাৎ বেক্ ঘোড়া, দোল্ কাবড় উজ্যে বেক্ ঘোড়া চালেয়্যেগুন আর চিগোন্-দাঙর্ ঢাল আর লাম্বাছুরি সুদ্ধো এক্কো দাঙর্ দল সমারে তরে নিগিলেই আনিম।

যিহিষ্কেল 38:4 ပူးပေါင်းရင်းမြစ်များ

২ রাজাবলী 19:28

তুই মঅ বিরুদ্ধে রাগে ফুলি উঠ্যচ্‌ বিলি আর তঅ দেমাগ কধানি মঅ কানত্‌ এচ্ছে বিলি মুই তঅ নাগত্‌ মঅ কেবাবো লাগেম্‌ আর তঅ মুয়োনত্‌ মর্‌ লাগামান্‌ লাগেম্‌; আর যে পথ্‌তানন্দি তুই এচ্ছোস্‌ সে পথ্‌তানন্দি ফিরি যেবাত্তে মুই তরে বাধ্য গুরিম্‌।

১ বংশধর 12:8

গাদীয়গুনোর্‌ কিজু মানুচ্‌ নিজো দল্ ছাড়িনে ধূল্যেচর-চাগালাত্‌ তাম্বুলো ধোক্ক্যেন জাগানত্‌ দায়ূদো ইদু এচ্ছ্যন্‌। তারা এলাক্‌ যুদ্ধোর্‌ শিক্ষ্যে-পেইয়্যে বোলী যোদ্ধা। তারা ঢাল আর সেল্‌ মারানা জানিদাক্‌। তারা মুয়োনি সিংহ ধোক্ক্যেন দর্‌গরেপারা এলঅ আর মুড়ো উরিঙো ধোক্ক্যেন তারা জদবদে দাবা দি পারিদাক্‌।

২ বংশধর 25:5

অমৎসিয় যিহূদার বেক্‌ মানুচ্চুনোরে ডাগিনে এগত্তর্‌ গুরি গুট্টি অনুসারে পুরো যিহূদা আর বিন্যামীনর মানুচ্চুনোর ভিদিরেত্তুন্‌ আজার উগুরে সৈন্যর সেনাপতিগুনোর আর শত উগুরে সৈন্যর সেনাপতিগুনোর্‌ অধীনোত্‌ রাগেল। তে কুড়ি বজর বা তাত্তুন্‌ অ বেশ্‌ বয়জর মানুচ্চুনোরে গুণি চেলদে, যুদ্ধোত্‌ যেবাত্তে তিন লাখ্‌ যোগাজ্যে মানুচ্‌ আগন্‌ যিগুনে সেল্‌ আর ঢাল বেবহার গুরি জানন্‌।

যিশাইয় 37:29

তুই মঅ বিরুদ্বে রাগ্ গোজ্যস্ বিলিনে আর তঅ দেমাগর্ কধা মঅ কানত্ এচ্চ্যে বিলিনে মুই তঅ নাগ্‌কোত্ মঅ হেবাবো লাগেম্, আর যে পথ্‌তানন্দি তুই এচ্চ্যস্ সে পথ্‌‌তানন্দি ফিরি যেবাত্তে মুই তরে বাধ্য গুরিম।

যিশাইয় 43:17

তে রথ, ঘোড়া আর দরমর সৈন্যদল্লোরে নিগিলেই আন্যে। তারা এক সমারে সিয়েনত্ পোজ্যন্, আর্ উদি ন-পারন্। তারা চেরাগ বুদ্ধি ধোক্ক্যেন মুরি যেইয়োন্।

যিরমিয় 46:9

ও বেক্ ঘোড়াগুন, তুমি আক্রমণ গরঅ। ও রথ চালেয়্যেগুন্, ঢাল-বোইয়্যে কূশ আর পুটর মানুচ্চুন্, ধনুবলা লূদীয়গুন, তুমি উজেই যঅ।

যিহিষ্কেল 23:12

তার্‌‌অ আসিরিয়গুনো উগুরে কামনা অলঅ; তারা এলাক্ শাজন্‌গুরিয়্যে আর সেনাপতি; তারা দোল্ কাবড় উজ্যে যোদ্ধা আর ঘোড়াচালেয়্যে; তারা বেক্কুনে দোল্ গাবুজ্যে।

যিহিষ্কেল 29:4

মাত্তর্ মুই তর্ মাড়িত্ হেবা লাগেম্ আর তর্ গাঙ মাছচুনোরে তঅ আঁশ্‌‌‌‌‌‌‌‌‌‌‌‌‌‌‌চানি লগে লাগেই দিম। তর্ আঁশ্‌‌‌‌‌‌‌‌‌‌‌‌‌‌‌চানি লগে থেইয়্যে বেক্ মাছচুন সুদ্ধো মুই তরে তঅ গাঙানত্তুন্ টানি তুলি আনিম।

যিহিষ্কেল 38:15

উত্তোরেদি শেজ্ দুযিত্ তঅ জাগানত্তুন্ তুই আর তঅ লগে ভালোক্ জাদর্ মানুচ্ ঘোড়াত্ চড়িনে এক্কো দাঙর্ দল, এক্কো খেমতাবলা সৈন্যদল ওইনে এবে।

যিহিষ্কেল 38:3

প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্কে।

যিহিষ্কেল 39:2

মুই তরে পিজেদি ঘুরেইনে টানি নেযেম্। মুই তরে উত্তোরেদি শেজ্ দুযিত্তুন্ আনিনে ইস্রায়েলর মুড়োমুড়িগুনো বিরুদ্ধে পাদেম্।

যিহিষ্কেল 39:20

মঅ টেবিলোত্ তুমি পেট ভুরিনে ঘোড়া, রথচালেয়্যে, খেমতাবলা মানুচ্ আর নানান্ বাবোত্যে সৈন্যগুনোর য়েরা হেবা।

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

আমোষ 4:2

প্রভু লগেপ্রভু নিজো পবিত্রতালোই শমক্ গুরি কোইয়্যেদে, সে অক্তত্ হামাক্কায় এবাক্ যেক্কে হেবা লাগেইনে তমারে টানিনে নেযা অবঅ; তমারে বেক্কুনোরে বুজ্জিলোই টানি নেযা অবঅ।