যিহিষ্কেল 38:23 - Chakma Bible

²³ এবাবোত্যেগুরি ভালোক্ জাদ চোগো মুজুঙোত্ মুই নিজোরে ফগদাং গুরিম; মুই যে মহৎ আর পবিত্র সিয়েন দেগেম; সেক্কে তারা হবর্ পেবাক্, মুয়ই লগেপ্রভু।

যিহিষ্কেল 38:23 ပူးပေါင်းရင်းမြစ်များ

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যিশাইয় 25:3

সেনত্তে খেমতাবলা জাদ্‌তুনে তরে বাঈনী গুরিবাক‌্ আর চিৎগিলে নেইয়্যে জাদ্‌‌‌‌তুনোর শঅরানি তরে ভোক্তি গুরিনে দোরেবাক্।

যিহিষ্কেল 20:41

মুই যেক্কে জাদ্‌‌‌‌‌তুনো ভিদিরেত্তুন তমারে নিগিলেই আনিম আর যেদক্কানি দেজত্ ছিদি পোজ্যন সিয়েনিত্তুন্ এগত্তর্ গুরিম সেক্কে তুম্বাজ্ আগর্‌বাট্টি ধোক্ক্যেন মুই তমারে গুজি লোম। সেক্কে তমা মাধ্যমে জাদ্‌‌‌‌‌তুনে বুঝি পারিবাক্ যে, মুই সুদ্ধো-সাংগ।

যিহিষ্কেল 20:42

তমা পুরোণি মানুচ্চুনো ইধু যে দেজ্‌‌‌‌‌চান দিবার শমক্ মুই গোজ্যং সেই ইস্রায়েল দেজত্ তমারে নেযানার পরেদি তুমি হবর্ পেবা যে, মুয়ই লগেপ্রভু।

যিহিষ্কেল 28:22

প্রভু লগেপ্রভু কোইয়্যেদে, ‘ও সীদোন, মুই তর্ বিপক্ষে; মুই তঅ ভিদিরে যিয়েনি গুরিম সেক্কে মর্ মহিমাগান ফগদাং অবঅ। মুই যেক্কে তরে সাজা দিম্ আর তঅ ভিদিরে মর্ পবিত্রতাগান ফগদাং গুরিম সেক্কে তঅ মানুচ্চুনে হবর্ পেবাক্, মুয়ই লগেপ্রভু।

যিহিষ্কেল 28:25

“নানান্ জাদত্ ছিদি পোজ্যে ইস্রায়েলীয়গুনোরে মুই যেক্কে এগত্তর্ গুরিম সেক্কে জাদ্‌তুনো চোগো মুজুঙোত্ তারা ভিদিরে মুই নিজোর পবিত্রতাগান ফগদাং গুরিম। সেক্কে তারা নিজোর্ সেই দেজত্ বজত্তি গুরিবাক্ যে দেজচান মুই মর্ চাগর্ যাকোবরে দুয়ো‌‌‌‌‌‌‌‌‌‌‌ঙ্।

যিহিষ্কেল 36:23

যে নাঙান্ জাদ ভিদিরে অসর্মান গরা ওইয়্যে মর্ সেই মহৎ নাঙানর্ পবিত্রতাগান মুই দেগেম; তুমি তারা ভিদিরে সেই নাঙান্ অপবিত্র গোজ্য। যেক্কে মুই তারা চোগো মুজুঙোত্ তমা ভিদিরেদি নিজোর্ পবিত্রতাগান দেগেম্ সেক্কে জাদ্‌‌‌‌‌‌‌‌‌‌‌তুনে হবর্ পেবাক্ যে, মুয়ই লগেপ্রভু।

যিহিষ্কেল 37:28

মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্‌‌‌‌তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”

যিহিষ্কেল 37:6

মুই তমা আড়ুনো লগে আড়্ বানি দিম, তমা উগুরে য়েরা বাড়েই দিম আর চামাড়ালোই সিয়েনি নাঢি দিম। মুই তমা ভিদিরে নিজেস্ দিম আর তুমি জেদা অবা। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

যিহিষ্কেল 39:13

দেজর্ বেক মানুচ্চুনে তারারে গোর্ দিবাক। এবাবোত্যেগুরি মর্ মহিমাগান্ ফগদাং গুরিবার দিনোত্ তারার সুনাঙান্ ছিদি পড়িবো।

যিহিষ্কেল 39:21

“মুই জাদ ভিদিরে মর্ মহিমাগান ফগদাং গুরিম আর মর্ খেমতাবলা আঢ্‌‌‌‌‌‌তানিলোই তারারে যে সাজাগান দিম্ সিয়েন বেক্ জাদ্‌‌‌‌‌‌তুনে দেগিবাক্।

যিহিষ্কেল 39:27

জাদ ভিদিরেত্তুন্ মুই যেক্কে তারারে ফিরেই আনিম আর শত্রুগুনো দেজত্তুন্ তারারে এগত্তর্ গুরিম সেক্কে ভালোক্ জাদ চোগো মুজুঙোত্ মুই তারা ভিদিরেদি মর্ পবিত্রতাগান ফগদাং গুরিম।

যিহিষ্কেল 39:7

মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।