যিহিষ্কেল 38:21 - Chakma Bible

²¹ মঅ দেজর্ বেক্ মুড়োমুড়িগুনো উগুরে গোগর্ বিরুদ্ধে মুই যুদ্ধো ডাগি আনিম। পত্তি মান্‌‌জ্যর লাম্বা ছুরি থেবঅ তা ভেইয়োর্ বিরুদ্ধে।

যিহিষ্কেল 38:21 ပူးပေါင်းရင်းမြစ်များ

গীতসংহিতা 105:16

সে পরেন্দি তে তারার দেজত্ ভাদ রাত্ ডাগি আনিলো আর তারার হানা-দানার অভাব গুরি দিলো,

যিশাইয় 66:16

লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।

যিরমিয় 25:29

চঅ, মর্ নিজো শঅরানরে মুই পত্থমে ভস্ত গুরিবাত্তে যাঙর্, সালে তুমি কি সাজা ন-পেইনে থেবা? তুমি সাজা পেবাদে পেবা, কিত্তে পিত্‌থিমীর বেক্ মানুচ্চুনো বিরুদ্ধে মুই যুদ্ধো ডাগি আনঙর্। মুই বেগত্তুন খেমতাবলা লগেপ্রভু এ কধাগান কঙর্।

যিহিষ্কেল 14:17

ধর, মুই সেই দেজ বিরুদ্ধে যুদ্ধো আনিনে কলুং, দেজর্ বেক্ জাগানিত্ যুদ্ধো ওক্, আর মুই সিদুগো মানুচ্চুন আর এ্যামানুনোরে মারে ফেলেলুং।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 14:13

সেদিন্যে লগেপ্রভু অমকদ দর্ লাগেনে সেই মানুচ্চুনোরে আঘাত্ গুরিবো। তারা বেক্কুনে একজন আরেকজনরে ধুরিনে আক্রমন গুরিবাক্।

বিচের গুরিয়্যেগুন 7:22

তিনশত্‌ শিংগা বাজেবার অক্তত্‌ লগেপ্রভু এন্‌ গুরিলো যার্‌ ফলে তাম্বুলো ভিদিরে বেক মানুচ্চুনে একজনে আরেকজনরে তলোয়ারলোই আক্রমণ গরা ধুরিলাক্‌। সেক্কে মিদিয়নীয় সৈন্যগুনে টব্বতর কায়-কুরে আবেল-মহোলার দুযিবো সং আর সরোরার ইন্দি বৈৎ-শিট্টা সং ধেই গেলাক্‌।

১ শমূয়েল 14:20

সে পরেন্দি শৌল আর তার বেক্‌ সৈন্যগুনে যুদ্ধোর ডাগে সাড়া দিইনে এগত্তর্‌ ওইনে যুদ্ধো গুরিবাত্তে গেলাক্। তারা দেগিলাক্, পলেষ্টীয়গুনে একজনে আরেকজন উগুরে তলোয়ার চালার্‌ আর তারা ভিদিরে অমহদ ঝাগুলুক্‌ দেগা দিয়্যে।