যিহিষ্কেল 38:20 - Chakma Bible

²⁰ সেক্কে সাগরর্ মাছ, আগাজ পেখ্, ঝার য়েমান, মাদি উগুরে পত্তি বুগেদি-আঢি বেড়েয়্যে প্রাণি আর পিত্‌‌‌‌‌‌থীমির বেক্ মানুচ্চুন মঅ মুজুঙোত্ গির্‌‌‌‌‌‌গিরেবাক্। দাঙর্ দাঙর্ মুড়োগুন উল্যে যেবাক্, অজল্ মুড়োগুন দেঙ্ ভাঙি পড়িবাক্ আর বেক্ দেবালানি মাদিত্ পড়ি যেবাক্।

যিহিষ্কেল 38:20 ပူးပေါင်းရင်းမြစ်များ

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 42:15

মুই মুড়ো-মুড়িগুন গাজ্-বাজ্ নেইয়্যে গুরিম আর সেই জাগানর বেক্ গাজ্-বাজ‌্‌চুন শুগেই ফেলেম; মুই গাঙানিরে দ্বীপ বানেম্ আর পুয়োরুনোরে শুগেই ফেলেম্।

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।

ফগদাং পেইয়্যে 6:14

ভাজ্ গুরি থোইয়্যে কাগোজ ধোক্ক্যেন আগাজ্‌চান ভাজ্ ওই গেলঅ; আর পত্তি মোন্‌মুড়ো আর দ্বীপ নিজোর্ নিজোর্ জাগানত্তুন্ সরি গেলাক্।