যিহিষ্কেল 38:19 - Chakma Bible

¹⁹ মর্ আওজে আর অমকদ রাগে মুই ফগদাং গরঙর্, সে অক্তত্ ইস্রায়েল দেজত্ অমকদ ভূজোল্ অবঅ।

যিহিষ্কেল 38:19 ပူးပေါင်းရင်းမြစ်များ

গীতসংহিতা 18:7

সেক্কে পিত্‌‌‌থিমীগান গির্‌গিরে উদিলো আর লুরিলো, গির্‌গিরে উদিলো বেক্ মুড়োগুনোর্ গড়াগানি; তা রাগে সিগুন্ গির্‌গিরেলাক্।

গীতসংহিতা 18:8

তা নাগত্তুন্ ধূমোগান উগুরে উদিলো, তা মুয়োনত্তুন্ ভস্তগুরিয়্যে আগুনান্ নিগিলি এলঅ, তা মুয়ো আগুনান্ আঙারালোই জুলি উদিলো।

গীতসংহিতা 79:5

ও লগেপ্রভু, আর কয়দিন? তুই কি জিংকানিবর্ বেজার ওই থেবে? আর কয়দিন তর্ পাইদ্যে ভোক্তি ন-পানার জ্বালা আগুনো ধোক্ক্যেন জুলিবো?

যিশাইয় 42:13

এক্কো খেমতাবলা মান্‌জ্য ধোক্ক্যেন গুরি লগেপ্রভু নিগিলি এবঅ, তে যোদ্ধা ধোক্ক্যেন তা আওজ্‌‌ছানরে বাড়েই দিবো; তে রঅ ছাড়িনে যুদ্ধোর্ ডাগ্ দিবো আর শত্রুগুনো উগুরে জিদিবো।

যিশাইয় 42:15

মুই মুড়ো-মুড়িগুন গাজ্-বাজ্ নেইয়্যে গুরিম আর সেই জাগানর বেক্ গাজ্-বাজ‌্‌চুন শুগেই ফেলেম; মুই গাঙানিরে দ্বীপ বানেম্ আর পুয়োরুনোরে শুগেই ফেলেম্।

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

যিহিষ্কেল 36:6

তুই ইস্রায়েল দেজ পৌইদ্যেনে আগাম্ কধা কঅ। তার দাঙর্ দাঙর্ আর চিগোন্ চিগোন্ মুড়োগুন, গাদ আর কলগ্‌‌‌‌‌‌কানিরে কঅ, প্রভু লগেপ্রভু কোইয়্যেদে, মর্ মনর্ জ্বালালোই রাগে মুই কধা কঙর্, কিত্যে তুমি অন্য জাদ ইত্তুন্ অগমান পেইয়ো।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

যিহিষ্কেল 39:6

মুই মাগোগ উগুরে আর যিগুনে দূর দেজ্‌‌‌চানিত্ গমেডালে বজত্তি গত্তন্ তারা উগুরে আগুন পাদেম্; সেক্কে তারা হবর্ পেবাক্, মুয়ই লগেপ্রভু।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যোয়েল 2:18

সেক্কে লগেপ্রভু তা দেজ্‌‌‌চানত্তে আওজি অবঅ আর তা মানুচ্চুনো উগুরে মেয়্যে গুরিবো।

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

নহূম 1:2

লগেপ্রভু এমন গোজেন যিবে তার পাওনা ভোক্তি চায় আর কামফল দে; লগেপ্রভু হেনা সুজে আর তে রাগে গুল্ ওইয়্যে। লগেপ্রভু তা বিপক্ষগুনো উগুরে হেনা সুজে আর তা শত্রুগুনোত্তে তা রাগ্‌‌কান জমা রাগায়।

সখরিয় 1:14

সেনত্তে সেই স্বর্গদূত্‌‌‌‌তো মরে কলঅ, “তুই এই কধাগান ফগদাং গর্ যে, বেগত্তুন খেমতাবলা লগেপ্রভু কোইয়্যেদে, ‘যিরূশালেমত্তে, অত্তাৎ সিয়োনত্তে মর্ মনত্ অমকদ জ্বলের্।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

ইব্রীয় 12:26

সেক্কে গোজেনর্ মুয়ো কধালোই জগদ্‌তানরে লাড়েই দিয়্যে, মাত্তর্ ইক্কিনে তে এ এগেমান্ গোজ্জ্যেদে, “মুই যে বানা আর একবার পিত্‌থিমীগানরে লাড়েম্ সিয়েন নয়, মাত্তর্ আগাজ্‌‌চানরেয়ো লাড়েম।”

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 16:18

সেক্কে দেবা ঝিমিলেনি উয়ো ধুরিলো, দর্‌গরেপারা আবাজ্ অনা আর দেবা পেরাগ পড়া ধুরিলো আর এমন্‌ দর্‌গরেপারা ভূজোল্ বেলঅ যিয়েন পিত্‌থিমীত মানুচ্‌ সৃট্টির পরেত্তুন্ ধুরি আর কনদিন্‌অ দেগা ন-যায়। সেই ভুজোলান্ অমকদ দর্‌গরেপারা এলঅ।

ফগদাং পেইয়্যে 16:20

সেক্কে এক এক্কো দ্বীপ ধেই গেলাক্ আর মূড়োগুন আর দেগা ন-গেলঅ।