যিহিষ্কেল 38:14 - Chakma Bible

¹⁴ সেনত্তে, ও মান্‌জ্যর পুয়োবো, তুই গোগরে এই আগাম্ কধানি কঅ, প্রভু লগেপ্রভু কোইয়্যেদে, সেদিন্যে যেক্কে মঅ মানুচ্চুনে ইস্রায়েলত্ গমেডালে বজত্তি গুরিবাক্ সেক্কে তুই কি সিয়েন খিয়েল্ ন-গুরিবে?

যিহিষ্কেল 38:14 ပူးပေါင်းရင်းမြစ်များ

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিহিষ্কেল 37:28

মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্‌‌‌‌তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”

যিহিষ্কেল 38:11

তুই কবে, তুই এমন এক্কান দেজ্ আক্রমন গুরিবে যে আদামানিত্ দেবাল্ নেই। তুই সুগে-শান্দিয়্যে আর নিচিদে থেইয়্যে মানুচ্চুনোরে আক্রমন গুরিবে যিগুনে দেবাল্, গেইত আর লাগাড়া নেইয়্যে গুরি বজত্তি গরন্।

যিহিষ্কেল 38:2

ও মান্‌‌‌‌‌জ্যর্ পুয়োবো, তুই মাগোগ দেজর্ মেশক আর তূবলর আজল্ শাজন্‌গুরিয়্যে গোগর ইন্দি মুয়োন দিইনে এই আগাম্ কধানি কঅ,

যিহিষ্কেল 38:8

ভালোক্ বজর্ পরেদি তরে যুদ্ধোত্তে ডাগা অবঅ। সেক্কে তুই এমন এক্কান দেজ্ আক্রমণ গুরিবে যে দেজ্‌‌‌‌‌‌চান যুদ্ধোত্তুন্ রেহাই পেইয়্যে, যার মানুচ্চুনে ভালোক্ জাদ ভিদিরেত্তুন্ ইস্রায়েলর্ মুড়ো-মুড়িত্ এগত্তর্ ওইয়োন। সেই দেজ্‌‌‌‌‌‌চান ভালোক্ দিন ধুরিনে মানুচ্ নেইয়্যে এলঅ, মাত্তর্ তর্ আক্রমনর্ আগেদি নানান্ জাদ ভিদিরেত্তুন্ তা মানুচ্চুনোরে নিগিলেই আনা অবঅ, আর সেক্কেনে তারা বেক্কুনে গমেডালে বজত্তি গুরিবাক্।

যোয়েল 3:1

শুনো, সেদিন্যে আর সেই অক্তত্ যেক্কে মুই যিহূদা আর যিরূশালেমর অবস্থাগান ফিরেম,

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।