যিহিষ্কেল 38:13 - Chakma Bible

¹³ সেক্কে শিবা, দদান আর তর্শীশ আর তার বেক্ আদামানির বেবসায়ীগুনে তরে পুযোর্ গুরিবাক্, তুই লুদেবাত্তে এচ্চোস্ নাহি আর সনা-রূপা, য়েমানপাল আর পযাপিরা নেযেবাত্তে আর ভালোক্কানি পযাপিরা কাড়ি নিবাত্তে তঅ দলবল এগত্তর্ গোজ্যস্ নাহি।

যিহিষ্কেল 38:13 ပူးပေါင်းရင်းမြစ်များ

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 33:23

ইক্কিনে তমা পাল হেবাগুন্ শস্ ওই যেইয়োন্; সিয়েনত্ মাত্তুলুন দরমর গুরি আক্‌‌সোয়ে নেই, পালান্অ টাঙা ন-যায়। পরেদি লুদেয়্যে বোউত্ পযাপিরা ভাগ্ গরা অবঅ; এমন্ কি, লেং-আদুড়ুনেয়ো লুদেয়্যে পযাপিরা নেযেবাক্।

যিরমিয় 15:13

ও যিহূদা, পুরো দেজ ভিদিরে তর্ বেক পাপ্পানিত্তে মুই তর্ ধন আর ধনভান্ডালর পযাপিরানি মাগানা লুদেয়্যে মাল্ ইজেবে দিম। ‌‌‌

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 51:38

তা মানুচ্চুনে বেক্কুনে সিংহ ধোক্ক্যেন গুজুরিবাক্, সিংহ ছঅগুনো ধোক্ক্যেন গোঁ গোঁ গুরিবাক্।

যিহিষ্কেল 25:13

সেনত্তে মুই প্রভু লগেপ্রভু কঙর্, ইদোম বিরুদ্ধে মুই মঅ আঢ্‌‌‌‌‌‌তানি বাড়েম আর সিদুগোর্ বেক মানুচ্চুন আর এ্যামানুন্ মারে ফেলেম। মুই সিয়েন ভস্তর্ জাগা গুরি রাগেম আর তৈমনত্তুন্ দদান সং মান্‌‌‌‌‌‌জ্যে যুদ্ধোত্ মুড়িবাক্।

যিহিষ্কেল 27:12

তর্ অমকদ ধন-সম্পদত্তে তর্শীশে তঅ লগে বেবসা গুরিদো; রূবো, লুয়ো, টিন আর সীসের বদলে তারা তঅ পযাপিরানি নিদাক্।

যিহিষ্কেল 27:15

দদানর্ মানুচ্চুনে তঅ সমারে বেবসা গুরিদাক্ আর সাগর পারর্ ভালোক্কানি দেজে তর্ পযাপিরানি কিনিদাক্; দাম ইজেবে তারা দিদাক্ এদো দাত্ আর আবলুস গাজ্।

যিহিষ্কেল 27:20

দদানে তঅ লগে ঘোড়া পিঠর্ গদি কাবড়র বেবসা গুরিদো।

যিহিষ্কেল 27:25

তর্শীশর জাহাজচানি তর্ পযাপিরা বুয়োই আনিদাক্। সাগরর্ সংমোধ্যে বোউত্ পযাপিরালোই তুই ভর্‌পুনং ‌এলে।

যিহিষ্কেল 32:2

ও মান্‌‌‌জ্যর পুয়োবো, মিসরর রাজা ফরৌণ পৌইদ্যেনে তুই আবিলেচ্ গুরি গুরি তারে কঅ, তুই মনে গুরিদে তুই জাদ ভিদিরেত্তুন্ এক্কো সিংহ ধোক্ক্যেন, মাত্তর্ আজলে তুই গাঙ সংমোধ্যে কুমোর ধোক্ক্যেন্। তুই নিজো গাঙ ভিদিরে লাপালাপি গুরিদে, টেঙোই পানিগান উলোত্-পালত্ গুরিদে আর গাঙ পানিগান কুলুগ্ গুরিদে। ‌

যোয়েল 3:8

তমা পুয়ো-ঝিগুনোরে মুই যিহূদার মানুচ্চুনো ইধু বিজি দিম আর তারা দূরোর শিবায়ীয় জাদ ইধু তারারে বিজি দিবাক্।” এ কধাগান লগেপ্রভু কোইয়্যে।

সখরিয় 11:3

ভেড়া গরগ্‌কুনোর আবিলেচ্ শুনো; তারার্ গম্ গম্ চড়াইদ্যে বামানি বর্‌বাত্ ওই যেইয়্যে। সিংহগুনোর গুজুরোনি শুনো; যর্দনর ঝারানি ভস্ত ওই যেইয়্যে।