যিহিষ্কেল 38:11 - Chakma Bible

¹¹ তুই কবে, তুই এমন এক্কান দেজ্ আক্রমন গুরিবে যে আদামানিত্ দেবাল্ নেই। তুই সুগে-শান্দিয়্যে আর নিচিদে থেইয়্যে মানুচ্চুনোরে আক্রমন গুরিবে যিগুনে দেবাল্, গেইত আর লাগাড়া নেইয়্যে গুরি বজত্তি গরন্।

যিহিষ্কেল 38:11 ပူးပေါင်းရင်းမြစ်များ

গীতসংহিতা 10:9

তে আন্দলত্তুন্ সিংহ ধোক্ক্যেন্ গুরি হাফ্ দি থায়; দুঘি মানুচ্চোরে ধুরিবাত্তে তে সিয়েন গরে, জালত্ ফেলেইনে তে তারে ধরে।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

যিহিষ্কেল 30:9

সেদিন্যে আরামে থেইয়্যে কূশরে দর্ দেগেবাত্তে হবর্ কোইয়্যেগুনে মর্ উগুমে জাহাজত্ গুরিনে নিগিলি যেবাক্। মিসরর শেজ্ দিনোত্ কূশর্‌অ যন্ত্রণা অবঅ, কিত্যে সেদিন্নো তা উগুরেয়ো এবঅ।

যিহিষ্কেল 34:27

মাদ গাজ্‌চুনোত্ গুলো ধুরিবাক্ আর মাদিগানে তার খেত্‌-খেত্তি দিবো; তারা গমেডালে নিজোর্ নিজোর্ ভূইয়োত্ বজত্তি গুরিবাক্। মুই যেক্কে তারার্ জুঙোলান্ ভাঙি ফেলেম আর যিগুনে তারারে চাগর্ বানেয়োন তারা আঢত্তুন্ ছাড়েই আনিম সেক্কে তারা হবর্ পেবাক্, মুয়ই লগেপ্রভু।

যিহিষ্কেল 38:14

সেনত্তে, ও মান্‌জ্যর পুয়োবো, তুই গোগরে এই আগাম্ কধানি কঅ, প্রভু লগেপ্রভু কোইয়্যেদে, সেদিন্যে যেক্কে মঅ মানুচ্চুনে ইস্রায়েলত্ গমেডালে বজত্তি গুরিবাক্ সেক্কে তুই কি সিয়েন খিয়েল্ ন-গুরিবে?

যিহিষ্কেল 38:8

ভালোক্ বজর্ পরেদি তরে যুদ্ধোত্তে ডাগা অবঅ। সেক্কে তুই এমন এক্কান দেজ্ আক্রমণ গুরিবে যে দেজ্‌‌‌‌‌‌চান যুদ্ধোত্তুন্ রেহাই পেইয়্যে, যার মানুচ্চুনে ভালোক্ জাদ ভিদিরেত্তুন্ ইস্রায়েলর্ মুড়ো-মুড়িত্ এগত্তর্ ওইয়োন। সেই দেজ্‌‌‌‌‌‌চান ভালোক্ দিন ধুরিনে মানুচ্ নেইয়্যে এলঅ, মাত্তর্ তর্ আক্রমনর্ আগেদি নানান্ জাদ ভিদিরেত্তুন্ তা মানুচ্চুনোরে নিগিলেই আনা অবঅ, আর সেক্কেনে তারা বেক্কুনে গমেডালে বজত্তি গুরিবাক্।

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

রোমীয় 3:15

খুন্ গুরিবাত্যে তারার্ টেঙানি যাদিমাদি ধাবা দে,

দ্বি’লম্বর বিররণ 12:10

তমার গোজেন লগেপ্রভু সোম্বোত্তি ইজেবে যে দেজ্‌ছান তমারে দের্‌ তুমি যর্দন গাঙান্‌ পার্‌ ওই যেইনে যেক্কে সে দেজত্‌ বজত্তি গরা ধুরিবা সেক্কে তে তমার চেরোকিত্তে শত্রুগুনো সমারে যুদ্ধোত্তুন্‌ তমারে জিরেবাত্তে দিবো, আর তুমি দোলেডালে সিদু বজত্তি গুরি পারিবা।

বিচের গুরিয়্যেগুন 18:27

মীখার বানেয়্যে বেক্‌ মূত্তিগুন আর তার্‌ ধর্মগুরুবোরে লোইনে তারা লয়ীশোত্‌ গেলাক্‌। সিদুগোর্‌ সুগে-শান্দিয়্যে আর নিচিদেগুরি আগন্দে মানুচ্চুনোরে তারা আক্রমণ গুরিনে মারে ফেলেলাক্‌ আর তারার শঅ্‌রান পুড়ি ফেলে দিলাক্‌।

বিচের গুরিয়্যেগুন 18:7

সে পাঁচজন মান্‌জ্যে সেক্কে সিয়েনত্তুন্‌ লয়ীশোত্‌ গেলাক্‌। তারা দেগিলাক সিদুগোর্‌ মানুচ্চুনে সীদোনীয়গুনো ধোক্কেন্‌ দর্‌নেইয়্যে, সুগে-শান্দিয়্যে আর নিচিদেগুরি বজত্তি গত্তন্‌। তারারে দুখ্‌ দিই পারন এধোক্ক্যেন কনঅ মানুচ্‌ সে জাগানত্‌ নেই। ইয়েনবাদেয়ো তারা সীদোনীয়গুনোত্তুন ভারোদ্দুরোত্‌ বজত্তি গত্তন্‌ আর অন্য কারঅ লগে তারার কনঅ মিলেমিছে নেই।