1 পরেদি লগেপ্রভু মরে কলঅ,
তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।
সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্থিমীত্ রাজাগুনোরে সাজা দিবো।
মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”
ও মান্জ্যর্ পুয়োবো, তুই মাগোগ দেজর্ মেশক আর তূবলর আজল্ শাজন্গুরিয়্যে গোগর ইন্দি মুয়োন দিইনে এই আগাম্ কধানি কঅ,
ও মান্জ্যর পুয়োবো, গোগর বিরুদ্ধে তুই এই আগাম্ কধানি কঅ, প্রভু লগেপ্রভু কোইয়্যেদে, ও মেশক আর তূবলর আজল্ শাজন্গুরিয়্যে গোগ, মুই তর্ বিপক্ষে।
সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।
সে পরেদি ছ লম্বর স্বর্গদূত্তো বড়্গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্তান যুক্কোল অবাত্যে সেই গাঙান পানিগান শুগেই গেলঅ।
তে সেক্কে যেইনে গোদা পিত্থিমীর জাদ্তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।
