যিহিষ্কেল 37:9 - Chakma Bible

⁹ সেক্কে তে মরে কলঅ, “তুই বোইয়্যের নাঙে আগাম্ কধা কঅ; ও মান্‌‌‌‌‌জ্যর পুয়োবো, তুই এ আগাম্ কধানি কঅ, প্রভু লগেপ্রভু কোইয়্যেদে, ‘ও বোইয়্যেরান, তুই চেরোকিত্তেত্তুন্ আয় আর এই বেক্ মোজ্যন্দে মানুচ্চুনো ভিদিরে নিজেস্ দে যেনে তারা জেদা অন্।’”

যিহিষ্কেল 37:9 ပူးပေါင်းရင်းမြစ်များ

গীতসংহিতা 104:30

তর্ আত্মাগান পাদেলে তারা সৃট্টি অন; তো নুয়ো নুয়ো পরাণ দিইনে পিত্‌থিমীগানরে সাজাজ্।

পরমগীত 4:16

উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

যিহিষ্কেল 37:14

মঅ আত্মাগান মুই তমা ভিদিরে দিম্ আর তুমি জেদা অবা। তমা নিজো দেজত্ মুই তমারে বজত্তি গোরেম্। সেক্কে তুমি হবর্ পেবাদে যে, মুই লগেপ্রভু এ কধাগান কোইয়োং আর সিয়েন গোজ্যং।’”

যিহিষ্কেল 37:4

সেক্কে তে মরে সেই আড়ুনো ইধু এই আগাম্ কধানি কবাত্তে কলঅ, “ও শুগুনো বেক্ আড়ুন, তুমি লগেপ্রভুর কধানি শুনো।

যিহিষ্কেল 37:5

প্রভু লগেপ্রভু কত্তে, ‘মুই তমা ভিদিরে নিজেস্ ভোরেই দিম্ আর তুমি জেদা অবা।

যিহিষ্কেল 37:8

মুই দেগিলুং আড় লগে আড়র্ জড়া অলঅ, সে উগুরে য়েরা অলঅ আর চামাড়ালোই সিয়েনি নাঢা গেলঅ, মাত্তর্ সিয়েনি ভিদিরে নিজেস্ ন-এলঅ।

দানিয়েল 11:4

তে উদিবার পরেদি তা রেজ্যগান ভাঙিনে চেরোকিত্তেদি চের্‌‌ভাগ ওই যেবঅ। তা রেজ্যগান তা বংশধরুনো আঢত্ ন-যেবঅ; সেই রেজ্যগান যিগুনো আঢত্ যেবঅ আগ রাজাগুনো ধোক্ক্যেন তারার্ খেমতা ন-থেবঅ, কিত্যে তারার্ রেজ্যগান ভস্ত ওইনে অন্যগুনো আঢত্ যেবঅ।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

সখরিয় 6:5

জোবত্ তে মরে কলঅ, “ইগুন আগাজর্ চেরান্ বোইয়্যের্; পুরো দুনিয়েগানত্ প্রভুর মুজুঙোত্ থিয়্যেই থানার্ পরেদি ইয়েনি নিগিলি এজের্।

যোহন 3:8

বৈয়্যের্ যিন্দি মনে কয় সিন্দি বায়্ আর তুই তা রবুয়ো শুনোচ্, মাত্তর্ কুত্তুন্ এজে আর কুধু বা যায় সিয়েন তুই হবর্ ন-পাজ্। পবিত্র আত্মাত্তুন্ যিগুনোর্ জর্ম ওইয়্যে সিগুনোর্‌অ ঠিগ্ সেবাবোত্যে অয়।”

ফগদাং পেইয়্যে 10:11

সে পরেদি মরে এ কধাগান কুয়ো অলঅ, “তরে আরঅ ভালোক্কানি দেশ্, জাত্, ভাযা আর রাজা পৌইদ্যেনে ভবিচ্চদর্ কধা কুয়ো অবঅ।”

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।