যিহিষ্কেল 37:3 - Chakma Bible

³ তে মরে পুযোর্ গুরিলো, “ও মান্‌জ্যর পুয়োগুন, এ আড়ুন্ কি জেদা ওই উদি পারন্?‌‌‌” মুই কলুং, “ও প্রভু লগেপ্রভু, তুয়ই বানা সিয়েন হবর্ পাজ্।”

যিহিষ্কেল 37:3 ပူးပေါင်းရင်းမြစ်များ

গীতসংহিতা 88:11

গোর ইদু কি তর্ অমকদ কোচ্‌পানা আর নরগত্ কি তর্ বিশ্বেজর কধা ফগদাং গরা অবঅ?

যিহিষ্কেল 26:19

“ও সোর, মুই প্রভু লগেপ্রভু যেক্কে তরে মানুচ্ নেইয়্যে শঅর ধোক্ক্যেন গুরিম যিয়েনত্ কনজনে বজত্তি ন-গরন, যেক্কে সাগর পানিগান তঅ উগুরে আনিম আর তার পানি নাল্লো তরে নাঢি দিবো,

যিহিষ্কেল 37:2

তে সিগুনোর্ চেরোকিত্তেদি মরে নেযেল। মুই সেই কলগ ভিদিরে বোউত্ আড়্‌‌‌গোড়া দেগিলুং; সিগুন এলাক্ অমকদ শুগুনো।

যোহন 5:21

বাপ্পো যেবাবোত্যেগুরি মরাগুনোরে জিংকানি দিইনে তুলে ঠিগ্ সেবাবোত্যেগুরি পুয়োবোয়ো যিবেরে আয়োচ্ গরে তারে জিংকানি দে।

প্রেরিত্‌ 26:8

গোজেনে যে মরাগুনোরে জেদা গরে এ কধাগান্ বিশ্বেজ্ গরেদে ধোক্ক্যেন্ নয় বিলি তুমি কিত্তে মনে গরর্?

রোমীয় 4:17

পবিত্র বোইবোত্ যেবাবোত্যে লেগা আঘে, “মুই তরে ভালোক্ জাদর্ পূরোণিবাপ বানেয়োং,” সেই মজিম্ গোজেন চোগেদি অব্রাহামে আমার্ বেক্কুনোর্ বাপ্। যিবে মরা মান্‌জ্যরে জিংকানি দে আর যিয়েন নেই সিয়েন আঘে বিলিনে ফগদাং গরে সেই গোজেনরে অব্রাহামে বিশ্বেজ্ গোজ্জ্যে।

১ করিন্হীয় 15:35

কেঅ অয়ত কবাক্, “মরাগুনোরে কেধোক্ক্যেন্ গুরি জেদা গুরি তুলো অবঅ? কেধোক্ক্যেন্ কিয়্যেলোই বা তারা উদিবাক্?”

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

ইব্রীয় 11:19

অব্রাহামে তারে উৎসর্ব গুরিবাত্যে রাজী অলঅ, কিয়া তে বিশ্বেজ্ গুরিদো গোজেনে মরা মান্‌‍জ্যরে জেদা গুরি পারে। আর কধে কি, অব্রাহামে দঅ মরণ দুয়োরত্তুন্ ইস্‌হাকরে ফিরি পেইয়্যে।

১ শমূয়েল 2:6

লগেপ্রভুই মারে ফেলে পারে আর লগেপ্রভুই বাঁজেই পারে; তেয়ই মরেদে জাগাত্‌ লামায় আর তেয়ই সিয়োত্তুন্ তুলে