যিহিষ্কেল 37:12 - Chakma Bible

¹² সেনত্তে তুই তারা ইধু এই আগাম্ কধানি কঅ, প্রভু লগেপ্রভু কোইয়্যেদে, ‘ও মঅ মানুচ্চুন, মুই তমারে গোর্ খুলিনে সিয়োত্তুন্ তমারে তুলি আনিম। ইস্রায়েল দেজত্ মুই তমারে ফিরেই আনিম।

যিহিষ্কেল 37:12 ပူးပေါင်းရင်းမြစ်များ

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিহিষ্কেল 28:25

“নানান্ জাদত্ ছিদি পোজ্যে ইস্রায়েলীয়গুনোরে মুই যেক্কে এগত্তর্ গুরিম সেক্কে জাদ্‌তুনো চোগো মুজুঙোত্ তারা ভিদিরে মুই নিজোর পবিত্রতাগান ফগদাং গুরিম। সেক্কে তারা নিজোর্ সেই দেজত্ বজত্তি গুরিবাক্ যে দেজচান মুই মর্ চাগর্ যাকোবরে দুয়ো‌‌‌‌‌‌‌‌‌‌‌ঙ্।

যিহিষ্কেল 36:24

মুই জাদ ভিদিরেত্তুন্ তমারে নিগিলেই আনিম; বেক্ দেজ্‌‌‌‌‌‌‌‌‌‌‌‌চানিত্তুন্ মুই তমারে এগত্তর্ গুরিনে তমা নিজো দেজত্ ফিরেই আনিম।

যিহিষ্কেল 37:13

মুই যেক্কে তমারে গোর্ খুলিনে সিয়োত্তুন্ তমারে নিগিলেই আনিম সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

যিহিষ্কেল 37:4

সেক্কে তে মরে সেই আড়ুনো ইধু এই আগাম্ কধানি কবাত্তে কলঅ, “ও শুগুনো বেক্ আড়ুন, তুমি লগেপ্রভুর কধানি শুনো।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

হোশেয় 6:2

কয়েকদিন পরে তেয়ই আরঅ আমারে বাজেব, আর আমারে আগ অবস্থাত্ ফিরেই আনিবো যেনে আমি তা মুজুঙোত্ বজত্তি গুরি পারিই।

যোয়েল 3:5

ইয়েনর্ কারনান্ অলঅ, তুমি মর্ সনা আর রূবোনি নেযেয়ো আর মর্ বেগত্তুন মংগা পযাপিরানি তমা মন্দিরুনোত্ নেযেয়ো।

সফনিয় 3:20

ও যিরূশালেমর মানুচ্চুন, সে সময়োত্ মুই তমারে আনিনে এগত্তর্ গুরিম। মুই যেক্কে তমা অবস্থাগান্ ফিরেম সেক্কে পিত্‌‌‌থিমীর বেক জাদ্‌‌‌তুনো ইধু মুই তমারে সর্মান আর বাঈনী গরে পারা গুরিম, আর তুমি সিয়েন দেগিবা। মুই লগেপ্রভু এ কধাগান কঙর্।”

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

১ থিষলনীকীয় 4:16

দাঙর্ রঅ গুরিনে উগুমো সমারে আর বেগ দাঙর্ দূতোর্ ডাগনি আর গোজেনর্ তূরীর ডাগনির্ লগে লগে প্রভু নিজে স্বর্গত্তুন্ লামি এবঅ। খ্রীষ্ট লগে এগত্তর্ ওইনে যিগুনে মুরি যেয়োন সেক্কে সিগুনে পত্তমে জেদা ওই উদিবাক্।

ফগদাং পেইয়্যে 20:13

যিদুক্কুন মরা মানুচ্ সাগরত্ এলাক্, সাগরানে তারারে তুলি দিলো। ইয়েন বাদে মরণ আর চিদাখলাত্ যিদুক্কুন মরা মানুচ্ এলাক্, মরণ আর চিদাখলাগানিয়ে তারারে ফিরেই দিলো। পত্তিজনরে তার্ কাম মজিম বিচের্ গরা অলঅ।

১ শমূয়েল 2:6

লগেপ্রভুই মারে ফেলে পারে আর লগেপ্রভুই বাঁজেই পারে; তেয়ই মরেদে জাগাত্‌ লামায় আর তেয়ই সিয়োত্তুন্ তুলে