যিহিষ্কেল 37:1 - Chakma Bible

¹ লগেপ্রভুর আঢ্‌‌‌তানি মঅ উগুরে এলঅ আর তে তার্ আত্মালোই মরে নেযেইনে এক্কো কলগর্ সংমোধ্যে রাগেল; জাগায়ান আড়্‌‌‌গোড়ালোই ভরা এলঅ।

যিহিষ্কেল 37:1 ပူးပေါင်းရင်းမြစ်များ

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

২ রাজাবলী 2:16

“চাহ্, আমি ইয়োত্‌ তর্‌ পঞ্চাশজন বোলী চাগর্‌ আগিই; আমি যেইনে তঅ গিরোজ্‌সোরে তোগেই চেই। লগেপ্রভুর আত্মাগানে অয়ত তারে তুলি নেযেইনে কনঅ মুড়ো-মুড়িত্‌ বা কনঅ কিজিঙোত্‌ লামে রাগেয়্যে।” ইলীশায় কলঅ, “না, নঅ-যেয়ো।”

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিরমিয় 7:32

সেনত্তে চঅ, এমন দিন এজের্ যেক্কে মানুচ্চুনে সে জাগায়ানরে আর তোফৎ বা বিন-হিন্নোমর কলগ্ ন-কবাক্, বরং কবাক্ কাবি ফেলেবার কলগ্, কিত্তে যেদকদিন তোফদত্ জাগা থেবঅ সেদকদিন সিয়েনত্ তারা মরাগুনোরে কবর্ দিবাক্।

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যিহিষ্কেল 1:3

বাবিলীয়গুনোর্ দেজত্ কবার গাঙ পাড়ত্ বুষির পুয়ো ধর্মগুরু যিহিষ্কেল ইধু, অত্তাৎ মইধু লগেপ্রভুর কধানি ফগদাং অলঅ। সিয়েনত্ লগেপ্রভুর আঢ্‌‌‌তানি মঅ উগুরে এলঅ।

যিহিষ্কেল 11:24

সে পরেদি গোজেনর আত্মাগানে মরে তুলি নিলো আর তার দিয়্যে দর্শনর ভিদিরেদি আরঅ বাবিলোত্ বন্দীগুনো ইধু নেযেল। যে দর্শনান্ মুই দেখ্যং ইয়েনর পরেদি সিয়েন শেজ্ ওই গেলঅ।

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যিহিষ্কেল 3:22

সিয়েনত্ লগেপ্রভুর্ খেমতাবলা আঢ্‌‌তানি মঅ উগুরে এলঅ আর তে মরে কলঅ, “তুই উদিনে কলগত্ যাহ্, সিদু মুই তঅ লগে কধা কোম্।”

যিহিষ্কেল 33:22

মানুচ্চো লুমিবার আগেদি সাজোন্যে অক্তত্ লগেপ্রভুর আঢ্‌‌‌‌‌‌‌‌তানি মঅ উগুরে এলঅ আর বেন্যে অক্তত্ মানুচ্চো মইধু এবার্ আগেদি তে মর্ মুয়োন খুলি দিলো। সেনত্তে মুই কধা কুয়ো ধুরিলুং, আর অলর্ গুরি ন-রলুং।

যিহিষ্কেল 37:2

তে সিগুনোর্ চেরোকিত্তেদি মরে নেযেল। মুই সেই কলগ ভিদিরে বোউত্ আড়্‌‌‌গোড়া দেগিলুং; সিগুন এলাক্ অমকদ শুগুনো।

যিহিষ্কেল 40:1

আমা বন্দীদজাত্ পোজোস্ বজরর্ আরাম্ভত, মাসর্ দশ দিনোত, যিরূশালেম শঅরর্ পতনর্ চৌদ্দ বজর পরেদি লগেপ্রভুর আঢ্‌তানি মঅ উগুরে এলঅ। ‌‌

যিহিষ্কেল 43:5

সেক্কে লগেপ্রভুর আত্মাগানে মরে তুলিনে ভিদিরে উদোনত্ নেযেল, আর লগেপ্রভুর মহিমালোই উবোসনা-ঘরান ভুরি গেলঅ।

যিহিষ্কেল 8:1

বন্দীদজাত্ থেবার ছয় বজরর্ ছয় মাসর্ পাচ্ দিনোত্ মুই যেক্কে মঅ ঘরত্ বুয়োই এলুং আর যিহূদার বুড়ো নেতাগুনে মঅ মুজুঙোত্ বুয়োই এলাক্ সেক্কে প্রভু লগেপ্রভুর আঢ্‌‌‌তানি সেই জাগানত মঅ উগুরে এলঅ।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

লূকে লেখ্যে গম্ হবর্ 4:1

যীশু পবিত্র আত্মালোই পরিপূরোন ওইনে যর্দন গাঙত্তুন্ গেলগোই। পবিত্র আত্মার্ পরিচালনায় তে চল্লিশ দিন ধুরিনে ধূল্যেচর-চাগালাত্ ঘুরি বেড়া ধুরিলো। সে অক্তত্ শদানে তারে লুভ্ দেগেইনে পাপত্ ফেলেবার চেট্ট্যা গরা ধুরিলো। এই চল্লিশ দিন যীশু কিচ্চু ন-হায়; সেনত্তে এ দিনুন্ কাদেই উদোনার্ পরেদি তার্ পেট পুরিলো।

প্রেরিত্‌ 8:39

যেক্কে তারা পানিত্তুন্ উদি এলাক্ সেক্কে প্রভুর আত্মাগানে আদিক্ক্যে গুরি ফিলিপরে নেযেল। সেই চাগর্‌বো আর তারে ন-দেগিলো। সেক্কে তে ফুত্তি গত্তে গত্তে ঘর পধেদি গেলঅ।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।