যিহিষ্কেল 36:9 - Chakma Bible

⁹ মুই তমা তপ্পে আগং আর তমা ইন্দি মনযোগ দিম্; সেক্কে তমা উগুরে চাষ গরানা আর বীজি ফেলা অবঅ।

যিহিষ্কেল 36:9 ပူးပေါင်းရင်းမြစ်များ

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 99:8

ও আমা গোজেন লগেপ্রভু, তুই তারার ডাগনিলোই শমক্ দিদে; তুই তারার খেমাগুরিয়্যে গোজেন ইজেবে এলে, যুনিয়ো তারার অন্যেয়র সাজা দিবাত্তে তুই ন-ছাড়স্।

যিরমিয় 31:27

লগেপ্রভু কোইয়্যেদে, “সময় এচ্চ্যে যেক্কে মুই ইস্রায়েল আর যিহূদা দেজর্ মানুচ্চুনোরে আর এ্যামানুনোরে চারা ধোক্ক্যেন লাগেই দিম।

যিহিষ্কেল 28:26

সিয়েনত্ তারা ঘর-বাড়ি বানেইনে গমেডালে বজত্তি গুরিবাক্ আর আংগুর খেত্ গুরিবাক্। তারার ঠাট্টা-মশকারি গুরিয়্যে কায়কুরে জাদ্‌‌‌‌‌‌‌‌‌‌‌‌‌ বেক্কুনোরে যেক্কে মুই সাজা দিম সেক্কে তারা গমেডালে বজত্তি গুরিবাক্। সেক্কে তারা হবর্ পেবাক্, মুয়ই তারার্ গোজেন লগেপ্রভু।”

যিহিষ্কেল 34:14

চরি বেড়েবার গম্ জাগাত্ মুই তারারে চোরেম্ আর ইস্রায়েলর্ অজল্ অজল্ মুড়োত্ তারারে চোড়েবার জাগা অবঅ। গম্ গম্ চোড়েবার জাগাত্ তারা থেবাক্ আর সিয়েনত্ ইস্রায়েলর মুড়োগুনো উগুরে গম্ চরেদে ভূইয়োত্ হেই হেই বেড়েবাক্।

যিহিষ্কেল 36:34

মান্‌‌জ্যে যানা-এযানা গুরিবার অক্তত্ যে দেজ্‌‌চানরে ভস্ত ওই পড়ি থাগদে দেগিদাক্ সেই দেজত্ চাষ কাম চলিবো।

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

লেবীয় 26:9

মুই তমারে সেক্কে কোচ্‌পানার চোগেন্দি চেম্‌ আর বংশ বাড়েইনে তমা মানুচ্চুন বাড়েই দিম, আর তমা সমারে মুই মর্‌ সুদোমান ঠিগ্ রাগেম।

হগয় 2:19

ইক্কিনে হামাক্কায় তমা গোলাঘরত্ কনঅ বীজ নেই আর এদক দিন আংগুর, ডোমোর্, ডালোম আর জলপাই গাজত্ ফল কম ধোজ্যন্, মাত্তর্ এচ্চ্যেত্তুন্ ধুরি মুই তমারে বর্ দিম।’ ”

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?