যিহিষ্কেল 36:4 - Chakma Bible

⁴ সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

যিহিষ্কেল 36:4 ပူးပေါင်းရင်းမြစ်များ

গীতসংহিতা 79:4

পাড়াল্যেগুনো ইদু আমি মুয়োন দেগেই ন-পারির্, আমা চেরোকিত্যে মানুচ্চুনোর ইদু ঈচ্ গরা হেইয়্যে মানুচ্ ওইয়্যেই।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিহিষ্কেল 34:28

তারা আর জাদ্‌‌‌‌তুনোর্ লুদেয়্যে জিনিসপাদি ন-অবাক্ বা ঝার য়েমানুনেয়ো তারারে ন-হেবাক্। তারা গমেডালে বজত্তি গুরিবাক্ আর কনজনে তারারে দর্‌‌‌‌বুক ন-লাগেবাক্।

যিহিষ্কেল 34:8

মুই প্রভু লগেপ্রভু মর্ জিংকানির নাঙে কঙর্, গরগ অভাবে মর্ পালুন লুদেয়্যে জিনিস ওইয়োন্ আর ঝার্‌‌বো য়েমানর্ হানা ওইয়োন। মর্ গরগ্‌‌কুনে মর্ পালুনোর হবর্ ন-লন্ আর দেগাশুনোয়ো ন-গরন; সিয়েনর বদলে তারা নিজোর্ দেগাশুনো গোজ্যন্।

যিহিষ্কেল 36:1

পরেদি লগেপ্রভু মরে কলঅ, ও মান্‌‌‌‌জ্যর পুয়োবো, ইস্রায়েলর মুড়ো-মুড়ি ইধু আগাম্ কধা কঅ আর প্রভু লগেপ্রভুর এই কধানি তারারে শুনিবাত্তে কঅ, শত্রুবো তারা পৌইদ্যেনে কোইয়্যেদে, বাঃ! পুরোণ অজল্ জাগায়ানি আমা গজগত্ এচ্চ্যে।

যিহিষ্কেল 36:6

তুই ইস্রায়েল দেজ পৌইদ্যেনে আগাম্ কধা কঅ। তার দাঙর্ দাঙর্ আর চিগোন্ চিগোন্ মুড়োগুন, গাদ আর কলগ্‌‌‌‌‌‌কানিরে কঅ, প্রভু লগেপ্রভু কোইয়্যেদে, মর্ মনর্ জ্বালালোই রাগে মুই কধা কঙর্, কিত্যে তুমি অন্য জাদ ইত্তুন্ অগমান পেইয়ো।

যিহিষ্কেল 6:14

ইস্রায়েলীয়গুনে যিয়েনত্ থেদাক্ সাৎ মুই তারা বিরুদ্ধে মঅ আঢ্‌‌‌‌তানি বাবেই দিম্ আর ধূল্যেচর-চাগালাত্তুন্ দিব্‌‌‌‌লা সং পুরো দেজ্‌‌‌‌চান মানুচ্ নেইয়্যে আর ভস্ত ওইয়্যে জাগা বানেম্। সেক্কে তারা হবর্ পেবাক্ যে, মুয়ই লগেপ্রভু।

দ্বি’লম্বর বিররণ 11:11

মাত্তর্‌ যর্দন গাঙান পার ওইনে যে দেজ্‌ছান তুমি গজক্ গুরিবাত্তে যর্‌ সিয়েন্‌ মুড়ো-মুড়ি আর কিঝিঙোই ভোজ্যে; সে দেজ্‌ছানে পানি পাইদ্যে আগাজত্তুন্।