যিহিষ্কেল 34:4 - Chakma Bible

⁴ তুমি বল্‌‌‌‌‌‌‌‌পোজ্যেগুনোরে সবল ন-গরঅ, অসুখ্যেগুনোরে গম্ ন-গরঅ, আহতগুনোরে ঘা-গানি বানি ন-দুয়ো। যিগুনে ভান্ন্যেই পধেদি যেইয়োন তারারে তুমি ফিরেই ন-আন বা আজি যেইয়্যে মানুচ্চুনোরে ন-তগঅ, বরং কড়া আর চিৎনপুজ্যেগুরি তারারে শাজন্ গোজ্য।

যিহিষ্কেল 34:4 ပူးပေါင်းရင်းမြစ်များ

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 3:7

মাত্তর্ সেদিন্যে তে আবিত্তি গুরিনে কবঅ, “দেজত্ গম্ কাম গরেদে ধোক্ক্যেন মর্ কিচ্চু নেই। মঅ ঘরত্ কনঅ হানা বা কাবড় নেই; তুমি মরে মানুচ্চুনোর শাজন্‌গুরিয়্যে ন-বানেয়ো।”

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিরমিয় 22:13

লগেপ্রভু কোইয়্যেদে, “অভিশাব্ পোড়োক্ তার, যে মানুচ্চো তা ঘরান ভান্ন্যেই টেঙালোই বানায় আর অবিচের দিইনে তা উগুরে তলার ঘুদিগুন বানায়। অভিশাব্ পোড়োক্ তার, যে মানুচ্চো মাগানা তা দেজ মানুচ্চুনোরে খাদায় আর তারার কামর্ বেতন ন-দে।

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

যিহিষ্কেল 19:6

সিবে সিংহ ছঅগুনো ভিদিরে ঘুরোগুরি গুরিনে এক্কো বোলী সিংহ ওইনে উদিলো। তে য়েমান শিগের্ গত্তে শিগিলো আর মানুচ্ হাঃ ধুরিলো।

যিহিষ্কেল 19:7

তে তারার্ ঘরানি ভাঙিলো আর শঅরান্ বেক্কান ভস্ত গুরি ফেলেল। তার গুজুরোনিলোই দেজর্ বেক্কুনে দোরেলাক্।

যিহিষ্কেল 19:9

নাগত্ হেবা দিইনে তারা তারে খাজাত্ রাগেলাক্ আর বাবিল রাজা ইধু নেযেলাক্। তারা তারে ঘরত্ তালা মারি রাগেলাক্; ইস্রায়েলর মুড়োই মুড়োই তার গুজুরোনি আর শুনো ন-গেলঅ।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

লেবীয় 25:43

তুমি কনজনে কারঅ‌ উগুরে চিৎনপুজ্যে বেবহার্‌ ন-গোজ্য; তুমি তমার গোজেনরে দোরেনেই চলিবা।

মথি লেখ্যে গম্ হবর্ 10:6

বানা ইস্রায়েল জাদর্ আজি যেইয়্যে ভেড়াগুনো ইধু যেয়ো।

মথি লেখ্যে গম্ হবর্ 21:35

চাষাবলাগুনে তা চাগরুনোত্তুন্ একজনরে ধুরিনে মারিলাক্, একজনরে খুন্ গুরিলাক্ আর অন্য আর একজনরে পাত্তর্ মারিলাক্।

মথি লেখ্যে গম্ হবর্ 24:49

সে জুবোত্ তে তার্ সমাজ্যে-চাগরুনোরে মার্‌‌‌পিট্ গরানা আরাম্ভ গুরিলো আর মাত্তলুনো সমারে মদ হা ধুরিলো।

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

২ করিন্হীয় 1:24

গিরোজ ধোক্ক্যেন গুরি আমি যে তমার্ বিশ্বেজ্ উগুরে আঢ্ দির্ সিয়েন নয়, বরং তুমি যেন হুজী অ সেনত্যে তমা সমারে কাম্ গরঙর্; কিয়া বিশ্বেজে তুমি দরমর গুরি থিয়্যেই আঘঅ।

ইব্রীয় 12:12

সেনত্যে তমার্ বেসত্ আঢ্‌তানি আর গির্‌গিরেইদ্যে আঢুগিলেগুন দরমর গরঅ।