যিহিষ্কেল 33:9 - Chakma Bible

⁹ মাত্তর্ তুই যুনি সেই পাজি মানুচ্চোরে তার্ ভান্ন্যেই পধত্তুন্ ফিরেবাত্তে উজিয়ার গরচ্ আর যুনি তে ন-ফিরে সালে তে তার্ পাপত্তে মুরিবো, মাত্তর্ তুই নিজো পরাণান্ রোক্ষ্যে গুরিবে।

যিহিষ্কেল 33:9 ပူးပေါင်းရင်းမြစ်များ

গম্ উপদেজ্ 15:10

যিগুনে গম্ পথ্‌তান ছাড়দন্ তারাত্তে দরমর সাজাগানে বাজ্জেই আঘে; যে মানুচ্চো সংশোধন কধা ঘিনেই তে মুরিবো।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিহিষ্কেল 3:19

মাত্তর্ সে পাজি মানুচ্চোরে তুই উজিয়ার গুরিবার পরেদিয়ো যুনি তে তার্ পাজিগানত্তুন্ বা তার্ ভান্ন্যেই পধত্তুন্ ন-ফিরোন, সালে তার পাপত্তে তে মুরিবো; মাত্তর্ তুই নিজে রোক্ষ্যে পেবে।

যিহিষ্কেল 3:21

মাত্তর্ পাপ ন-গুরিবাত্তে যুনি তুই সেই গম্ মানুচ্চুনোরে উজিয়ার গরচ্ আর তে পাপ ন-গরে সালে উজিয়ার অবার্ কধা শুনিবার ফলে তে হামাক্কায় বাঁজিবো আর তুইয়ো নিজোরে রোক্ষ্যে গুরিবে।”

যিহিষ্কেল 33:3

তে দেজ্‌‌‌‌‌‌‌চান বিরুদ্ধে সৈন্যদল এত্তে দেগিনে মানুচ্চচুনোরে উজিয়ার গুরিবাত্তে তূরী বাজেল।

যিহিষ্কেল 33:4

সেক্কে যুনি কনজনে তূরীর রঅ শুনিনেয়ো উজিয়ার ন-অয় আর সৈন্যগুনে এইনে তারে মারে ফেলান্ সালে তার মরণত্তে তে নিজেই দায়ী থেবঅ।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

লূকে লেখ্যে গম্ হবর্ 12:47

যে চাগর্‌‌‌বো তা গিরোজ্‌‌‌সোর আওজ্‌‌‌চান কোই পারিনেয়ো যুক্কোল্ ন-থায় বা গিরোজ্‌‌‌সো যিয়েন্ চায় সিয়েন্ ন-গরে তাত্তুন্ যদবদে সাজা পাহ্ পড়িবো।

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

প্রেরিত্‌ 13:40

ইয়েনত্যে তুমি উজিয়ার্ অ, যেন ভাববাদীগুনোর্ কোইয়্যে ইয়েনি বেক্কানি তমা উগুরে ন-ঘদে:

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 20:26

সেনত্তে এইচ্চ্যে মুই তমারে গমেডালে কঙত্তে, কারর্ লো-গানর্ দায়ী মুই নয়,

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।