যিহিষ্কেল 33:2 - Chakma Bible

² ও মান্‌জ্যর পুয়োবো‌‌‌‌‌, তঅ জাদর্ মানুচ্চুনোরে কঅ, লগেপ্রভু কোইয়্যেদে, ধুরিচ্, মুই কনঅ দেজর্ বিরুদ্ধে যুদ্ধো আনিলুং। সেক্কে দেজর্ মানুচ্চুনে তারা মানুচ্চুনো ভিদিরেত্তুন্ একজনরে বেঈ লোইনে তারে তারার্ চুগিদার নেযেলাক্।

যিহিষ্কেল 33:2 ပူးပေါင်းရင်းမြစ်များ

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিরমিয় 12:12

ধূল্যেচর-চাগালার গাজ্‌‌‌বাজ নেইয়্যে মুড়ো উগুরে ভস্ত গুরিয়্যেগুনে এচ্চোন্, কিত্তে লগেপ্রভুর তলোয়ারান দেজর্ এক কিত্তেত্তুন ধুরি অন্য কিত্তেদি সং গিলি ফেল্যে; কনজনে সুগে শান্দিয়্যে নেই।

যিরমিয় 25:31

পিত্‌থিমীর শেজ্ ধুজি সং সেই রবো শুনো যেবঅ, কিত্তে লগেপ্রভু জাদ্‌তুনো বিরুদ্ধে আবিত্তি গুরিবো। তে বেক্ মানুচ্চুনোর বিচের্ গুরিবো আর তলোয়ার ইদু পাজিগুনোরে তুলি দিবো‌‌।’ ”

যিরমিয় 51:12

বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

যিহিষ্কেল 11:8

যে যুদ্ধোগানরে তুই দরাচ্ সেই যুদ্ধোগানরে মুই তমা বিরুদ্ধে আনিম।

যিহিষ্কেল 14:17

ধর, মুই সেই দেজ বিরুদ্ধে যুদ্ধো আনিনে কলুং, দেজর্ বেক্ জাগানিত্ যুদ্ধো ওক্, আর মুই সিদুগো মানুচ্চুন আর এ্যামানুনোরে মারে ফেলেলুং।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 3:11

তুই ইক্কিনে বন্দীদজাত্ থেইয়্যে তঅ দেজর্ মানুচ্চুনো ইধু যেইনে কধা কঅ। তারা শুনোদোক্ বা ন-শুনোদোক্, তুই তারা ইধু প্রভু লগেপ্রভুর কধা কবে।”

যিহিষ্কেল 3:27

মাত্তর্ মুই তঅ লগে কধা কবার সময় তঅ মুয়োন্ খুলি দিম্ আর তুই তারা ইধু প্রভু লগেপ্রভুর কধা কবে। তারা ভিদিরে যে শুনিবাত্তে চায় তে শুনোক্ আর যে শুনিবাত্তে ন-চায় তে ন-শুনোক্; তারা দঅ এক্কো উল্লোমী জাদ্।”

যিহিষ্কেল 33:1

পরেদি লগেপ্রভু মরে কোইয়্যেদে,

যিহিষ্কেল 33:12

সেনত্তে, ও মান্‌জ্যর পুয়োবো, তুই তর্ জাদ মানুচ্চুনোরে কঅ, গম্ মানুচ্ যুনি লগেপ্রভুর অবাধ্য অয় সেক্কে তার সততাগানে তারে রোক্ষ্যে গুরি ন-পারিবো, আর পাজি মানুচ্ যুনি তার পাজিগানত্তুন্ ফিরে সালে তে তার পাজি গরানার সাজা ন-পেবঅ। গম্ মানুচ্ যুনি পাপ গরে সালে তার আগ সততাগানে তারে বাঁজেই ন-পারিবো।

যিহিষ্কেল 33:17

“তো তঅ জাদ মানুচ্চুনে কোই থান্, ‘লগেপ্রভুর পথ্‌তান ঠিগ্‌‌‌‌ নয়।’ আজলে তারার্ পথ্‌‌‌‌‌তান ঠিগ্ নয়।

যিহিষ্কেল 33:30

ও মান্‌জ্যর পুয়োবো, তঅ জাদর্ মানুচ্চুনে দেবাল কায়কুরে আর ঘর দোরোত্ এগত্তর্ ওইনে তঅ পৌইদ্যেনে কুয়োকি গত্তন্ আর একজন আর একজনরে কদন্, লগেপ্রভু ইত্তুন্ যে হবরান্ এচ্চ্যে আঢ, আমি যেইনে সিয়েনি শুনিই।

যিহিষ্কেল 33:7

ও মান্‌‌‌‌‌‌‌‌‌‌জ্যর পুয়োবো, ইস্রায়েল জাদত্তে মুই তরে চুগিদার নেযেয়োং; সেনত্তে মুই যিয়েনি কঙর্ সিয়েনি শুন্ আর মর্ ওইনে তারারে উজিয়ার গর্।

যিহিষ্কেল 37:18

তঅ জাদর্ মানুচ্চুনে যেক্কে তরে পুযোর্ গুরিবাক্, তুই কি ইয়েনর ভেদ্‌তান্ আমারে ন-কবে?

হোশেয় 9:8

ভাববাদিবো মর্ গোজেন লগে ইফ্রয়িমর চুগিদার অলেয়ো তার্ বেক্ পথ্‌তানিত্ রোইয়্যেদে ফাল্ আর তার গোজেন ঘরত্ রোইয়্যেদে তা বিরুদ্ধে শত্রুতা।

লেবীয় 26:25

মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।