যিহিষ্কেল 32:8 - Chakma Bible

⁸ তঅ উগুরে আগাজর্ বেক পহ্‌‌‌‌‌‌রান মুই কালা গুরি দিম; তঅ দেজ উগুরে মুই আন্ধার্ আনিম। মুই প্রভু লগেপ্রভু এ কধাগান কঙর্।

যিহিষ্কেল 32:8 ပူးပေါင်းရင်းမြစ်များ

পত্থম 1:14

সিয়েন পরেদি গোজেনে কলঅ, আগাজ ইধু পহ্‌র অয়্‌ এবাবোত্যে বেক্কুন দেগা যোগ্‌, আর সিগুনে রেদত্তুন্ দিন্নোরে ফারক্ গোত্তোক্‌। সিগুনে যুদো যুদো দিন, ঋতু আর বজরত্যে চিহ্ন ওই থাদোক্‌।

ইয়োব 9:7

তে মানা গুরিলে বেলানে পহ্‌র নঅ-দে আর তারাগুনে পহ্‌র দেনা বন্ধ গরন্‌।

যাত্রা 10:22

সেক্কে মোশি আগাজ ইন্দি আঢ্‌তানি বাবেই দিলো, আর সেক্কে তিন দিন সং গুর্‌গুজ্যে আন্ধারে গোদা মিসর দেজ্‌চান্‌ ঢাক্যে রলঅ।

গম্ উপদেজ্ 20:20

যিবের কধালোই মা-বাব উগুরে ভোক্তি ন-থায়, ঘুর্‌ঘুজ্যে আন্ধারত্ তা জিংকানিগান মিলেই যেবঅ।

উপদেশক 12:2

সে অক্তত্ বেলান্, পহ্‌রানে, চান্নো আর তারাগুন্ আন্ধার্ ওই যেবাক্, আর ঝর্ দেনার্ পরেদি মেঘ্‌কানে আরঅ ফিরি এঅঅ।

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 34:4

আগাজর্ বেলান-চানান্-তারাগুন্ ভস্ত ওই যেবাক্ আর আগাজ্‌ছান বুদি থোইয়্যে কাবোজ্ ধোক্ক্যেন বুদি যেবঅ। যেবাবোত্যেগুরি আংগুর লুদি আর ডোমোর্ গাজত্তুন্ শুগুনো পাদানি পড়ি যায় সেধোক্ক্যেন্ গুরি বেক্ তারাগুন্ পড়িবাক্।

যোয়েল 2:10

তারা মুজুঙোত্ পিত্‌থিমীগান গির্‌গিরেই, আগাজ্‌চানে গির্‌গিরেই, চানানে আর বেলানে আন্ধার্ ওই যায় আর তারাগুনে পহ্‌র দেনা বন্ধ গুরি দুয়োন্।

সখরিয় 14:6

সেদিন্যে কনঅ পহ্‌র ন-থেবঅ, চানান্ আর বেলান্ আন্ধার্ ওই যেবঅ।