যিহিষ্কেল 32:4 - Chakma Bible

⁴ মুড়ো উগুরে খুলো মাদত্ মুই তরে লুঙি মারি ফেলেই দিম। মঅ উগুমে আগাজর্ বেক পেখ্‌‌‌কুনে তঅ উগুরে বুজিবাক্ আর পিত্‌‌‌‌থিমীর বেক্ য়েমানুনে তরে হেইনে ঈল্ ফুদেবাক্।

যিহিষ্কেল 32:4 ပူးပေါင်းရင်းမြစ်များ

গীতসংহিতা 63:10

লাম্বা ছুরির মুজুঙোত্ তারারে তুলি দিয়্যে অবঅ; তারা শিয়েলর হানা অবাক্।

গীতসংহিতা 74:14

লিবিয়াথনর্ মাদাগুন তুয়ই নিগুজ গুরি দুয়োচ্ আর তার কিয়্যেগান ধূল্যেচর প্রাণিগুনোরে হেবাত্যে দুয়োচ্।

যিশাইয় 14:19

মাত্তর্ তরে গাজর্ বাদ দিয়্যে ডেলা ধোক্ক্যেন্ গোর বারেদি ফেলেই দিয়্যে ওইয়্যে। তলোয়ার্‌লোই যিগুনোরে মারে ফেলেইনে গোরর্ বেগত্তুন্ তলে জাগানত্ পাদা ওইয়্যে তারা কিয়্যেগানিলোই তুই নাঢা যেইয়োচ্। তুই টেঙোই মাজ্যে মরাকিয়্যে ধোক্ক্যেন্ ওইয়োচ্।

যিশাইয় 18:6

মুড়ো-মুড়ির্ শকুন আর ঝার এ্যামানুন ইদু তারারে বেক্কুনোরে ফেলেই রাগা অবঅ; পুরো গরমকাল্লোত্ শকুনুনে তারারে হেবাক্ আর ঝার্‌‌বো এ্যামানুনে হেবাক্ পুরো যার্‌‌কাল্লো ধুরি।

যিশাইয় 66:24

তারা নিগিলিনে সেই বেক্ মানুচ্চুনোর মরা কিয়্যেগানি দেগিবাক্ যিগুনে মঅ বিরুদ্ধে উল্লোমী গোজ্যন। যিদুক্কুন পুগে তারার্ মরা কিয়্যেনি হান্ সিগুনে ন-মুরিবাক্ আর যে আগুনানে তারারে পুড়ে সিয়েন ন-মুরিবো, আর তারা বেক্ মানুচ্চুনোর ঈচ্ গরেদে মানুচ্ অবাক্।”

যিরমিয় 25:33

সেক্কে লগেপ্রভু যিগুনোরে মারে ফেলেব তারা পিত্‌থিমীর এক ধুজিত্তুন অন্য ধুজি সং বেক্ জাগানিত্ পড়ি থেবাক্। তারাত্তে কনজনে আবিলেচ্ ন-গুরিবাক্ বা তারারে কনজনে এগত্তর্ অ ন-গুরিবাক্ বা গোর্‌‌‌‌‌অ ন-দিবাক্, মাত্তর্ তারা অবাক্ মাদিত্ পোজ্যে গবর ধোক্ক্যেন।

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যিহিষ্কেল 29:5

মুই তরে আর তর্ গাঙানর্ বেক মাছচুনোরে ধূল্যেচর-চাগালাত্ ফেলেই রাগেম। তুই খুলো মাদত্ পড়ি থেবে আর তরে তুলিনে গোর্ দিয়্যে ন-অবঅ। মুই হানা ইজেবে তরে ঝার্‌‌‌‌‌‌‌‌‌‌‌‌‌‌‌বো য়েমান আর আগাজ পেখ্‌‌‌‌‌‌‌‌‌‌‌‌‌‌‌কুনোরে দিম।

যিহিষ্কেল 35:8

তর্ মুড়ো-মুড়িগুন মুই মোজ্যন্দে মানুচ্চুনোরে দিইনে নাঢি দিম; যুদ্ধোত্ যিগুনে মুরি যেইয়োন তারা তর্ মুড়োই মুড়োই, কলগে কলগে আর তর্ বেক পানি গঙারানিত্ পড়ি থেবাক্।

যোয়েল 3:19

মাত্তর্ মিসরান ভস্তর্ জাগা অবঅ আর ইদোমান ভস্ত ওই যেইয়্যে ধূল্যেচর-চাগালা অবঅ, কিত্যে যিহূদার মানুচ্চুনো উগুরে অত্যেচার গরা ওইয়্যে আর তারার্ দেজত্ নিদ্দুজির্ লো ঝরা ওইয়্যে।