যিহিষ্কেল 32:31 - Chakma Bible

³¹ যেক্কে ফরৌণ আর তার বেক্ সৈন্যদলুনে যুদ্ধোত্ মুরি যেবাক্ সেক্কে তে সেই বেক্ মানুচ্চুনোরে দেগিবো আর তার বেক্ মানুচ্চুনো পৌইদ্যেনে তারে বুঝো অবঅ। ‌‌‌‌

যিহিষ্কেল 32:31 ပူးပေါင်းရင်းမြစ်များ

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

যিহিষ্কেল 14:22

তো সিদুগোর্ কয়েকজনে বাঁজিবাক্ আর তারারে নিগিলেনে আনা অবঅ। তারা তমা ইধু এবাক্, আর যেক্কে তুমি তারার্ ভান্ন্যেই খাচ্চ্যত্ আর কামানি দেগিবা সেক্কে যিরূশালেম উগুরে মর্ আন্যে দযাগান পৌইদ্যেনে তুমি সান্তনা পেবা।

যিহিষ্কেল 31:16

মরা মানুচ্চুনো লগে মুই যেক্কে তারে মরণ জাগাত্ লামেই দিলুং সেক্কে তার পড়ি যানার্ রলোই জাদ্‌‌‌‌‌তুনে গির্‌‌‌‌‌গিরে উদিলাক্। সেক্কে এদনর্ বেক গাজ্‌‌‌‌‌চুন, লেবাননর্ বেঈ লোইয়্যে আর সেরা গাজ্‌‌‌‌‌চুন আর গমেডালে পানি পেইয়্যে বেক্ গাজ্‌‌‌‌‌চুন পিত্‌‌‌‌‌থিমীর গভীনোত্ সান্তনা পেলাক্।

যিহিষ্কেল 32:32

যুনিয়ো মুই ফরৌণরে দিইনে জেদাগুনোর দেজত্ দর্‌‌‌‌‌বুক লাগেয়োং তুয়ো তারে আর তার বেক্ মানুচ্চুনোরে সেই সুন্নত-ন-গোজ্যে, যুদ্ধোত্ মোজ্যে মানুচ্চুনো সমারে থুয়ো অবঅ। মুই প্রভু লগেপ্রভু এ কধাগান কঙর্।”