যিহিষ্কেল 32:30 - Chakma Bible

³⁰ “উত্তোরেদি দেজর্ বেক শাজন্‌গুরিয়্যেগুন আর সীদোনীয়োগুন বেক্কুনে সিয়েনত্ আগন্। যুনিয়ো তারার খেমতালোই তারা দর্‌‌‌‌বুক লাগেয়োন তুয়ো অসর্মানর লগে তারা যুদ্ধোত্ মোজ্যে মানুচ্চুনো সমারে তলেদি লামি যেইয়োন্ আর তারা লগে সুন্নত-ন-গোজ্যে অবস্থায় পড়ি আগন্। যিগুনে মরণ জাগাত্ লামি যেইয়োন তারা সমারে এই মানুচ্চুনে তারার্ অসর্মান পাদন্।

যিহিষ্কেল 32:30 ပူးပေါင်းရင်းမြစ်များ

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 25:22

সোর আর সীদোনর বেক্ রাজাগুনোরে; সাগরর্ ওপারত্ দেজর্ রাজাগুনোরে;

যিরমিয় 25:26

কায়-কুরে আর দূরোর এক্কোর পর এক্কো উত্তোরেদি বেক রাজাগুনোরে। আজল্ কধা, মুই পিত্‌‌থিমীর বেক জাদ্‌তুনোরে সিয়েন হাবেলুং। ইগুনোর বেক্কুনোর পরেদি শেশকর, অত্তাৎ বাবিলোর রাজায়ো সিয়েন হেবঅ।‌

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 28:10

তুই বিদেশীগুনো আঢত্ সুন্নত-ন-গোজ্যে মানুচ্চুনো ধোক্ক্যেন মুরি যেবে। মুই প্রভু লগেপ্রভু এ কধাগান কঙর্।’”

যিহিষ্কেল 28:21

“ও মান্‌‌‌‌‌‌‌‌‌জ্যর পুয়োবো, তুই সীদোন ইন্দি তর্ মুয়োন থোইনে তা বিরুদ্ধে আগাম্ কধা কঅ,

যিহিষ্কেল 28:23

তঅ উগুরে মুই ভানা পাদেম্ আর তর্ পধে পধে লো ঝুরিবো। তরে চেরোকিত্তেত্তুন্ আক্রমণ গরা অবঅ আর সেক্কে মান্‌‌‌‌‌‌‌‌‌‌জ্যে খুন ওইনে তইধু পুড়ি থেবাক্। সেক্কেনে তঅ মানুচ্চুনে হবর্ পেবাক্, মুয়ই লগেপ্রভু।’”

যিহিষ্কেল 38:15

উত্তোরেদি শেজ্ দুযিত্ তঅ জাগানত্তুন্ তুই আর তঅ লগে ভালোক্ জাদর্ মানুচ্ ঘোড়াত্ চড়িনে এক্কো দাঙর্ দল, এক্কো খেমতাবলা সৈন্যদল ওইনে এবে।

যিহিষ্কেল 38:6

গোমর দেজর্ বেক্ সৈন্যগুন আর উত্তোরেদি শেজ্ দুযির্ বৈৎ-তোগর্ম দেজর্ বেক সৈন্যগুন তঅ সমারে থেবাক্। বোউত্ জাদে তঅ সমাজ্যে অবাক্।

যিহিষ্কেল 39:2

মুই তরে পিজেদি ঘুরেইনে টানি নেযেম্। মুই তরে উত্তোরেদি শেজ্ দুযিত্তুন্ আনিনে ইস্রায়েলর মুড়োমুড়িগুনো বিরুদ্ধে পাদেম্।