যিহিষ্কেল 32:27 - Chakma Bible

²⁷ তারা সুন্নত-ন-গোজ্যে অন্য যোদ্ধাগুনে সমারে পড়ি ন-থেবাক্। সেই যোদ্ধাগুনে তারার্ যুদ্ধোর্ আত্যেরানি নিইনে মরণ জাগাত্ লামি যেইয়োন, তারার তলোয়ারানি তারার্ মাঢাগুনো তলে রাগা ওইয়্যে আর তারার পাপর্ সাজা তারার আড়ুনো উগুরে আঘে। তারায়ো জেদাগুনো দেজত্ দর্‌‌‌বুক লাগেয়োন্।

যিহিষ্কেল 32:27 ပူးပေါင်းရင်းမြစ်များ

ইয়োব 20:11

গাবুজ্যে বল্লোই ভর্‌পুনং তার্‌ আড়ুন তা লগে ধূল্যেলোই পড়ি থেবাক্‌।

গীতসংহিতা 109:18

কাবড় উরেদে ধোক্ক্যেন গুরি অভিশাব্ দেনা তারার অভ্যেস্ ওইয়্যে; পানি খাইদ্যে ধোক্ক্যেন্ সিয়েন তারার অভ্যেস্ ওইয়্যে আর কিয়্যেত্ তেল গুলেদে ধোক্ক্যেন্।

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

গীতসংহিতা 92:7

পাজি মানুচ্চুনে যুনিয়ো ঘাস ধোক্ক্যেন্ যাদি দাঙর অন্ আর অন্যেয়গুরিয়্যেগুনে যাদিমাদি ফুলি উদোন্, তো তারা উমরত্যে ভস্ত ওই যেবাক্।

গীতসংহিতা 92:9

ও লগেপ্রভু, তর্ শত্রুগুনে ভস্ত ওই যেবাক্, অয়, তারা ভস্ত ওই যেবাক্; অন্যেয়গুরিয়্যেগুনে বেক্কুনে ছিদি পড়িবাক্।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

যিশাইয় 14:16

যিগুনে তরে দেগন্ তারা তন্দি চেই থান্। তারা তঅ অবস্থাগান্ দেগিনে কন্, যে পিত্‌‌‌‌থিমীগানরে লাড়েদ আর রেজ্যগানিরে জাগেরেদ ইবে কি সেই মানুচ্চো?

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিহিষ্কেল 18:20

যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 32:21

মরণ জাগা ভিদিরেত্তুন্ খেমতাবলা যোদ্ধাগুনে মিসর আর তা সমাজ্যেগুনো পৌইদ্যেনে কবাক্, যুদ্ধোত মুরি যেইয়্যে সেই সুন্নত-ন-গোজ্যে মানুচ্চুনে তলেদি লামি এইনে পড়ি আগন্।

যিহিষ্কেল 32:28

ও মিসর, তরেয়ো ভাঙি ফেলা অবঅ আর তুই সেই সুন্নত-ন-গোজ্যে মানুচ্চুনো ভিদিরে পড়ি থেবে যিগুনোরে যুদ্ধোত্ মারে ফেলা ওইয়্যে।

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।