যিহিষ্কেল 32:24 - Chakma Bible24 এলম সিয়েনত্ আঘে; তা গোরর্ চেরোকিত্তে আঘন্ তার বেক মানুচ্চুন। তারারে বেক্কুনোরে যুদ্ধোত্ মারে ফেলা ওইয়্যে। তারা জেদাগুনোর দেজত্ দর্বুক ছোরেয়োন, মাত্তর্ যেরেদি বেক্কুনে সুন্নত-ন-গোজ্যে অবস্থায় পিত্থীমির গভীনোত্ লামি যেইয়োন। যিগুনে মরণ জাগাত্ লামি যেইয়োন তারা লগে এ মানুচ্চুনে অসর্মান ওইয়োন্। အခန်းကိုကြည့်ပါ။ |
যিহিষ্কেল 32:24
29 ပူးပေါင်းရင်းမြစ်များ
ও ফরৌণ, সয়-সাগোজ্যে আর বাঈনী গরানাগান ইন্দি এদনর্ গাজ্চুনো ভিদিরে এক্কোয়ো তর্ সং সং নয়। তো এদনর্ গাজ্চুনো সমারে তরেয়ো পিত্থিমীর গভীনোত্ লামেই দিয়্যে অবঅ; যিগুনে যুদ্ধোত্ মুরি যেইয়োন সেই সু্ন্নত-ন-গোজ্যে মানুচ্চুনো সমারে তুই পড়ি থেবে। মুই প্রভু লগেপ্রভু কঙর্, সেই গাজ্চুন অলাক্ ফরৌণ আর তার বেক্ দলুন।
মোজ্যেদে মানুচ্চুনো ভিদিরে এলমর্ বিচ্চোনান্ পাদা ওইয়্যে; তা গোরানর্ চেরোকিত্তে তা সমারে রোইয়্যেদে তার বেক্ মানুচ্চুন। এই বেক্ সুন্নত্ ন-গোজ্যে মানুচ্চুনোরে যুদ্ধোত্ মারে ফেলা ওইয়্যে। জেদাগুনোর্ দেজত্ তারা দর্বুক লাগেয়োন, মাত্তর্ যিগুনে মরণ জাগাত্ লামি যেইয়োন তারা সমারে এ মানুচ্চুনে অসর্মান পেইয়োন; মোজ্যন্দে মানুচ্চুনো ভিদিরে তারারে থুয়ো ওইয়্যে।
“উত্তোরেদি দেজর্ বেক শাজন্গুরিয়্যেগুন আর সীদোনীয়োগুন বেক্কুনে সিয়েনত্ আগন্। যুনিয়ো তারার খেমতালোই তারা দর্বুক লাগেয়োন তুয়ো অসর্মানর লগে তারা যুদ্ধোত্ মোজ্যে মানুচ্চুনো সমারে তলেদি লামি যেইয়োন্ আর তারা লগে সুন্নত-ন-গোজ্যে অবস্থায় পড়ি আগন্। যিগুনে মরণ জাগাত্ লামি যেইয়োন তারা সমারে এই মানুচ্চুনে তারার্ অসর্মান পাদন্।
ကြော်ငြာတွေ