যিহিষ্কেল 32:23 - Chakma Bible

²³ তারার গোরান্ মরণ জাগার্ গভীনোত্ আঘে আর তার সৈন্যদলুন তা গোরানর্ চেরোকিত্তে পড়ি আগন্। জেদাগুনো দেজত্ যিগুনে দর্‌‌বুক ছোরেয়োন্ তারার বেক্কুনোরে যুদ্ধোত্ মারে ফেলা ওইয়্যে।

যিহিষ্কেল 32:23 ပူးပေါင်းရင်းမြစ်များ

ইয়োব 28:13

মান্‌জ্যে তার মূল্যগান্ হবর্ ন-পান; জেদাগুনোর দেজত্ সিয়েন পাহ্ ন-যায়।

গীতসংহিতা 116:9

মুই জেদা মানুচ্চুনো ভিদিরেত্তুন্ লগেপ্রভুর মুজুঙোত্ আদাউদো গুরিম।

গীতসংহিতা 142:5

ও লগেপ্রভু, মুই তইদু কান্যং; মুই কোইয়োঙে, “তুয়ই মর্ আশ্রয়, এ পিত্‌থিমীত্ তুয়ই মর্ সোম্বোত্তি।”

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

যিশাইয় 14:17

ইবে কি সিবে, যে সংসারানরে ধূল্যেচর ধোক্ক্যেন গুরিদো, শঅরানিরে উল্ল্যেই ফেলেদ, আর বন্দীগুনোরে ঘরত্ ফিরি যেবাত্তে ন-দিদো?

যিশাইয় 38:11

মুই কোইয়োঙে, মুই লগেপ্রভুরে জেদাগুনোর্ দেজত্ আর ন-দেগিম্; এ কয়েকদিন্যে সংসারত্ বজত্তিগুরিয়্যে মানুচ্চুনোরেয়ো আর মুই ন-দেগিম।

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 32:32

যুনিয়ো মুই ফরৌণরে দিইনে জেদাগুনোর দেজত্ দর্‌‌‌‌‌বুক লাগেয়োং তুয়ো তারে আর তার বেক্ মানুচ্চুনোরে সেই সুন্নত-ন-গোজ্যে, যুদ্ধোত্ মোজ্যে মানুচ্চুনো সমারে থুয়ো অবঅ। মুই প্রভু লগেপ্রভু এ কধাগান কঙর্।”

নহূম 1:14

ও নীনবী শঅরান, লগেপ্রভু তঅ পৌইদ্যেনে কত্তে, “তঅ নাঙান্ রোক্ষ্যে গুরিবাত্তে তইধু কনঅ মানুচ্ ন-থেবাক্। তঅ দেব-দেবেদাগুনোর্ মন্দিরোত্ যিদুক্কুন আরুগ্ আর মূত্তি আগন্ সিগুন মুই ভস্ত গুরি ফেলেম। তুই অপদাত্ত বিলি মুই তঅ গোরান্ যুক্কোল্ গুরিম।”