যিহিষ্কেল 32:2 - Chakma Bible

² ও মান্‌‌‌জ্যর পুয়োবো, মিসরর রাজা ফরৌণ পৌইদ্যেনে তুই আবিলেচ্ গুরি গুরি তারে কঅ, তুই মনে গুরিদে তুই জাদ ভিদিরেত্তুন্ এক্কো সিংহ ধোক্ক্যেন, মাত্তর্ আজলে তুই গাঙ সংমোধ্যে কুমোর ধোক্ক্যেন্। তুই নিজো গাঙ ভিদিরে লাপালাপি গুরিদে, টেঙোই পানিগান উলোত্-পালত্ গুরিদে আর গাঙ পানিগান কুলুগ্ গুরিদে। ‌

যিহিষ্কেল 32:2 ပူးပေါင်းရင်းမြစ်များ

পত্থম 49:9

যিহূদা, তুই সিংহ ছঅ; শিগের্‌ গোজ্যে য়েরানি হানা থুম্ গুরিনে মর্‌ এ পুয়োবো উদি এজে; সিংহ আর সিংহী ধোক্ক্যেন গুরি তে বজে আর ঘুমোত্‌ পড়ে। কন্না তারে জাগেব?

ইয়োব 41:23

তার্ কিয়্যের্ য়েরানি দরমর গুরি জোড়া লাগেয়্যে; সিয়েনি দরমরগুরি থায়, ন-লড়ে।

ইয়োব 7:12

মুই কি সাগর্‌ নাহি সাগরর্‌ পান্যে-দেবেদা, তুই মরে চুগি দিইনে রাগেয়োচ্‌?

গম্ উপদেজ্ 25:26

ঘুল্ গুরি ফেল্যে আর দুষিত গোজ্যে পয়নালাবোর পানিগান যেধোক্ক্যেন্, পাজি মান্‌‍জ্যর কারনে পাপত্ পোজ্যে গোজেন ভক্ত মানুচ্অ সেধোক্ক্যেন্।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

গম্ উপদেজ্ 30:30

সিংহ, যিবে য়েমানুনো ভিদিরে বোলী আর কনঅ য়েমান মুজুঙোত্তুন্ ধেই ন-যায়;

যিশাইয় 27:1

সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 46:7

সিবে কন্না যে, নীল গাঙ ধোক্ক্যেন গুরি, গাঙর্ ফুলি উঠ্যে পানি ধোক্ক্যেন গুরি উদি এজের্?

যিরমিয় 46:8

নীল গাঙ ধোক্ক্যেন গুরি, গাঙর্ ফুলি উঠ্যে পানি ধোক্ক্যেন গুরি মিসরান উদি এজের্। তে কোইয়্যেদে, মুই ফুলি উদিনে পিত্‌‍‍‍‍‍থিমীগানরে ঢাগি ফেলেম; মুই শঅরানরে আর তারার মানুচ্চুনোরে ভস্ত গুরিম।

যিরমিয় 9:18

তারা যাদিমাদি এইনে আমাত্তে আবিলেচ্ গোরোদোক্ যেধক্কন সং আমা চোগেদি পানি ভাসি ন-যায় আর চোগো পাদাত্তুন পানি বেই ন-যায়।

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 27:2

ও মান্‌‌‌‌‌‌‌‌‌‌‌‌জ্যর্ পুয়োবো, সোরর পৌইদ্যেনে তুই আবিলেচ্ গর্।

যিহিষ্কেল 27:32

তারা তত্তে গুজুরি গুজুরি কানিবাক্ আর চিৎপরা হেবাক্; তরে নিইনে তারা এই আবিলেচ্ গুরিবাক্; “‘সাগর-ঘিজ্যে সোর ধোক্ক্যেন্ গুরি আর কাররে কি জুরো গুরি দিয়্যে ওইয়্যে?

যিহিষ্কেল 28:12

“ও মান্‌‌জ্যর্ পুয়োবো, সোরর রাজা পৌইদ্যেনে তুই আবিলেচ্ গুরি গুরি তারে কঅ, প্রভু লগেপ্রভু কোইয়্যেদে, ‘তুই এলে পুরোপুরি থুদি নেইয়্যে, জ্ঞানে ভরা আর দোল্‌‌লোই পরিপূরোন্।

যিহিষ্কেল 29:15

পথ্রোষচান্ অবঅ বেগত্তুন নরম রেজ্য; অন্য জাদ্‌‌‌‌‌তুনো ভিদিরে সিয়েনে কনদিন্‌অ নিজোরে অজল্ ন-গুরিবো। মুই তারে এদক্ নরম গুরিম, সিয়েনে আর কনদিন্‌অ অন্য জাদ্‌‌‌‌‌তুনো উগুরে রাজাগিরি গুরি ন-পারিবো।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

যিহিষ্কেল 32:16

“‘এই বেক্ কধানি তারা মিসরত্তে দুঘ কধা ফগদাং গুরিনে গেবাক্। নানান্ জাদর্ মিলেগুনেয়ো সিয়েন গেবাক্; তারা মিসর আর তার বেক মানুচ্চুনোত্তে সিয়েন গেবাক্। মুই প্রভু লগেপ্রভু এ কধাগান কঙর্।’”

যিহিষ্কেল 32:18

ও মান্‌‌জ্যর পুয়োবো, মিসর মানুচ্চুনোত্তে আবিলেচ্ গর আর যিগুনে মরণ জাগাত্ লামদন্ তারা লগে তারে আর অন্য খেমতাবলা জাদর্ মানুচ্চুনোরে পিত্‌‌‌থিমীর গভীনোত্ পাধেই দে।

যিহিষ্কেল 34:18

তমা তপ্পে গম্ চোরেয়্যে ভূইয়োত্ হানা কি যগাজ্যে ন-অর্? আরঅ বাদবাগি ঘাস্‌চানিয়ো কি টেঙোই মাড়া পড়িবো? তমা তপ্পে সাব্ পানি হানা কি যগাজ্যে ন-অর্? আরঅ বাদবাগি পানিগান্‌অ কি টেঙোই কুলুগ্ গরা পড়িবো?

যিহিষ্কেল 38:13

সেক্কে শিবা, দদান আর তর্শীশ আর তার বেক্ আদামানির বেবসায়ীগুনে তরে পুযোর্ গুরিবাক্, তুই লুদেবাত্তে এচ্চোস্ নাহি আর সনা-রূপা, য়েমানপাল আর পযাপিরা নেযেবাত্তে আর ভালোক্কানি পযাপিরা কাড়ি নিবাত্তে তঅ দলবল এগত্তর্ গোজ্যস্ নাহি।

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

মথি লেখ্যে গম্ হবর্ 7:24

“সে পরেদি যে কনজনে মর্ এই বেগ্ কধানি শুনিনে সিয়েনি পালায় তে এমন্ এক্কো বুদ্ধিবলা মান্‌জ্য ধোক্ক্যেন্, যে পাত্তর উগুরে তা ঘরান্ বানেল।