যিহিষ্কেল 32:19 - Chakma Bible

¹⁹ তুই মিসররে কঅ, অন্যগুনোত্তুন্ কি তুই বেশ্ দোল্? তুই মরণ জাগাত্ লামিনে সুন্নত-ন-গোজ্যে মানুচ্চুনো ইধু পড়ি থাচ্।

যিহিষ্কেল 32:19 ပူးပေါင်းရင်းမြစ်များ

যিহিষ্কেল 28:10

তুই বিদেশীগুনো আঢত্ সুন্নত-ন-গোজ্যে মানুচ্চুনো ধোক্ক্যেন মুরি যেবে। মুই প্রভু লগেপ্রভু এ কধাগান কঙর্।’”

যিহিষ্কেল 31:18

ও ফরৌণ, সয়-সাগোজ্যে আর বাঈনী গরানাগান ইন্দি এদনর্ গাজ্‌চুনো ভিদিরে এক্কোয়ো তর্ সং সং নয়। তো এদনর্ গাজ্‌‌‌‌‌‌চুনো সমারে তরেয়ো পিত্‌‌‌‌‌‌থিমীর গভীনোত্ লামেই দিয়্যে অবঅ; যিগুনে যুদ্ধোত্ মুরি যেইয়োন সেই সু্ন্নত-ন-গোজ্যে মানুচ্চুনো সমারে তুই পড়ি থেবে। মুই প্রভু লগেপ্রভু কঙর্, সেই গাজ্‌‌‌‌‌‌‌চুন অলাক্ ফরৌণ আর তার বেক্ দলুন।

যিহিষ্কেল 31:2

ও মান্‌‌‌‌‌‌জ্যর পুয়োবো, মিসরর রাজা ফরৌণ আর তার বেক্ মানুচ্চুনোরে কঅ, সয়-সাগোজ্যে ইন্দিত্তুন্ তুই কা সং সং?

যিহিষ্কেল 32:21

মরণ জাগা ভিদিরেত্তুন্ খেমতাবলা যোদ্ধাগুনে মিসর আর তা সমাজ্যেগুনো পৌইদ্যেনে কবাক্, যুদ্ধোত মুরি যেইয়্যে সেই সুন্নত-ন-গোজ্যে মানুচ্চুনে তলেদি লামি এইনে পড়ি আগন্।

যিহিষ্কেল 32:24

এলম সিয়েনত্ আঘে; তা গোরর্ চেরোকিত্তে আঘন্ তার বেক মানুচ্চুন। তারারে বেক্কুনোরে যুদ্ধোত্ মারে ফেলা ওইয়্যে। তারা জেদাগুনোর দেজত্ দর্‌‌বুক ছোরেয়োন, মাত্তর্ যেরেদি বেক্কুনে সুন্নত-ন-গোজ্যে অবস্থায় পিত্‌থ‌ীমির গভীনোত্ লামি যেইয়োন। যিগুনে মরণ জাগাত্ লামি যেইয়োন তারা লগে এ মানুচ্চুনে অসর্মান ওইয়োন্।

যিহিষ্কেল 32:26

মেশক আর তূবল সিয়েনত্ আঘে; তারার চেরোকিত্তে রোইয়্যেদে তারার বেক মানুচ্চুনোর গোরুন্। এই বেক সুন্নত-ন-গোজ্যে মানুচ্চুনোরে যুদ্ধোত্ মারে ফেলা ওইয়্যে। জেদাগুনোর দেজত্ তারা দর্‌‌‌বুক লাগেয়োন।

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”