যিহিষ্কেল 32:16 - Chakma Bible

¹⁶ “‘এই বেক্ কধানি তারা মিসরত্তে দুঘ কধা ফগদাং গুরিনে গেবাক্। নানান্ জাদর্ মিলেগুনেয়ো সিয়েন গেবাক্; তারা মিসর আর তার বেক মানুচ্চুনোত্তে সিয়েন গেবাক্। মুই প্রভু লগেপ্রভু এ কধাগান কঙর্।’”

যিহিষ্কেল 32:16 ပူးပေါင်းရင်းမြစ်များ

২ শমূয়েল 1:17

শৌলে আর তা পূঅ যোনাথনত্তে দায়ূদে সেক্কে এ আবিলেচর্‌ গান্নো গাহ্ ধুরিলো।

২ বংশধর 35:25

যোশিয়োত্তে যিরমিয় আবিলেজর্‌ গান রোজেল আর এজঅ সং বেক্‌ গানগেইয়্যেগুনে যোশিয়ো পৌইদ্যেনে আবিলেজর্‌-গান গরন্‌। ইস্রায়েলত্‌ ইয়েন্‌ এক্কান্‌ চলেদে সুদোম্‌ ওই গেলঅ আর আবিলেজ্‌-গানর্‌ বোইবোত্‌ সিয়েন্‌ লেগা অলঅ।

যিরমিয় 9:17

বেগত্তুন খেমতাবলা লগেপ্রভু কোইয়্যেদে, “তুমি ইক্কিনে চিদে গুরি চঅ। আবিলেচ্ গুরিয়্যে মিলেগুনোরে ডাগি আনঅ; যিগুনে এ কামত্ কাবিল্ তারারে ডাগিবাত্তে মানুচ্ পাদঅ।”

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 32:18

ও মান্‌‌জ্যর পুয়োবো, মিসর মানুচ্চুনোত্তে আবিলেচ্ গর আর যিগুনে মরণ জাগাত্ লামদন্ তারা লগে তারে আর অন্য খেমতাবলা জাদর্ মানুচ্চুনোরে পিত্‌‌‌থিমীর গভীনোত্ পাধেই দে।

যিহিষ্কেল 32:2

ও মান্‌‌‌জ্যর পুয়োবো, মিসরর রাজা ফরৌণ পৌইদ্যেনে তুই আবিলেচ্ গুরি গুরি তারে কঅ, তুই মনে গুরিদে তুই জাদ ভিদিরেত্তুন্ এক্কো সিংহ ধোক্ক্যেন, মাত্তর্ আজলে তুই গাঙ সংমোধ্যে কুমোর ধোক্ক্যেন্। তুই নিজো গাঙ ভিদিরে লাপালাপি গুরিদে, টেঙোই পানিগান উলোত্-পালত্ গুরিদে আর গাঙ পানিগান কুলুগ্ গুরিদে। ‌