যিহিষ্কেল 32:11 - Chakma Bible

¹¹ মুই প্রভু লগেপ্রভু কঙর্, বাবিল রাজার লাম্বা ছুরিগান তঅ উগুরে এবঅ।

যিহিষ্কেল 32:11 ပူးပေါင်းရင်းမြစ်များ

যিরমিয় 43:10

সে পরেদি তারারে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘মুই মঅ চাগর্ বাবিল রাজা নবূখদ্‌নিৎসররে ডাগি আনিম আর যে পাত্তরুন্ মুই ইয়েনত্ লুগেই রাগেয়োং সিগুনো উগুরে তা সিংহাসনান্ বোজেম; তে সিয়েন উগুরে তা রাজ-চাদরান বিজেব।

যিরমিয় 46:13

বাবিল রাজা নবূখদ্‌নিৎসরে যে মিসরান আক্রমণ গুরিবাত্তে এবঅ সে হবরান লগেপ্রভু ভাববাদী যিরমিয়রে কোইয়্যে।

যিহিষ্কেল 26:7

ও সোর, মুই তঅ বিরুদ্ধে উত্তোরেদিত্তুন্ ঘোড়া, রথ, ঘোড়াচালেয়্যে আর দাঙর্ এক্কো সৈন্যদল সমারে রাজাগুনোর রাজা, অত্তাৎ বাবিলোর রাজা নবূখদ্‌নিৎসররে আনিম।

যিহিষ্কেল 29:19

সেনত্তে মুই বাবিলর রাজা নবূখদ্‌নিৎসররে মিসর দেজ্‌‌‌‌‌‌‌চান দিম আর তে তার ধন-সোম্বোত্তিগানি নেযেব। তার সৈন্যদলর বেতনত্তে তে সেই দেজ্‌‌‌‌‌‌‌চান লুদেব।

যিহিষ্কেল 30:4

মিসর উগুরে এবঅ যুদ্ধো আর কূশর উগুরে এবঅ অমকদ যন্ত্রণা। মিসর মানুচ্চুনে মুরিনে পড়ি থেবাক্, তার ধন-সোম্বোত্তিগানি নেযা অবঅ আর তার বেক্ জাগায়ানি ভস্ত অবঅ।

যিহিষ্কেল 31:11

সেনত্তে মুই তারে জাদ্‌‌‌তুনোর্ শাজন্‌গুরিয়্যেগুনো আঢত্ তুলি দুয়োং; তার ভান্ন্যেই কাম মজিম তে তা লগে বেবহার গুরিবো। মুই তারে এলাফেলা গোজ্যং।