যিহিষ্কেল 32:10 - Chakma Bible

¹⁰ মুই তঅ উগুরে যিয়েনি গুরিম সিয়েনি দেগিনে ভালোক্কুন্ জাদে আমক্ অবাক্। মুই যেক্কেনে তারা মুজুঙোত্ মঅ লাম্বা ছুরিগান্ ঘুরেম সেক্কে তারার রাজাগুনে দরে গির্‌‌‌‌‌‌‌গিরেবাক। তর্ পতনর দিনোত্ তারার পত্তিজনে তা নিজোর পরাণান দরে আমিযে গির্‌‌‌‌‌‌‌গিরে গির্‌‌‌‌‌‌‌গিরে থেবাক্।

যিহিষ্কেল 32:10 ပူးပေါင်းရင်းမြစ်များ

১ রাজাবলী 9:8

এ তবনা-ঘরান্‌ ইক্কিনে দাঙর্‌ অলেয়ো সেক্কে যিগুনে তা কুরেন্দি যেবাক্‌ তারা আমক্‌ ওই উদিবাক্‌ আর ঈচ্ গুরিনে কবাক্, ‘হিত্তেই লগেপ্রভু এ দেজ্‌ছান্‌ আর এ তবনা-ঘরান উগুরে এধোক্কেন্‌ গুরিলো?’

যিশাইয় 30:32

লগেপ্রভু তারা লগে যুদ্ধো গুরিবার অক্তত্ যেক্কে তার্ নেযেয়্যে লুদিক্কো তারা উগুরে আঘাত্ গুরিবো সেক্কে ঝোন্‌জোনি আর বীণা বাঁজিবো।

যিরমিয় 51:9

মান্‌‌‌‌জ্যে কন্, “আমি বাবিলরে গম্ গুরিবাত্তে চেরেস্‌‌‌‌টা গুরির্, মাত্তর্ তে গম্ ন-অয়। আঢঅ, আমি তারে ছাড়িনে যে যার্ দেজত্ যেই, কিত্তে তার্ সাজাগান আগাজত্ সং লুম্বেগোই, সিয়েন মেঘ সং অজলত্ উঠ্যেগোই।”

যিহিষ্কেল 26:16

সেক্কে সাগর পাড় দেজ্‌‌‌‌‌‌‌‌চানির রাজাগুনে তারার্ সিংহাসনত্তুন্ লামিনে তারার্ রাজপোশাক্ আর নক্‌‌‌‌‌‌‌‌সা গোজ্যে পোজাক্কানি খুলি ফেলেবাক্। অমকদ দরে তারা মাদিত্ বুজিবাক্, আমিঝে গির্‌‌‌‌‌‌‌‌গিরেবাক্ আর তরে দেগিনে আমক্ অবাক্।

যিহিষ্কেল 27:35

সাগর পারত্ বজত্তিগুরিয়্যে মানুচ্চুন বেক্কুনে তঅ অবস্থা দেগিনে আমক্ ওইয়োন; তারার্ রাজাগুনে দরে গির্‌‌‌গিরে উঠ্যন্ আর তারার মুয়োনি দরে শুগেই যেইয়্যে।

যিহিষ্কেল 30:9

সেদিন্যে আরামে থেইয়্যে কূশরে দর্ দেগেবাত্তে হবর্ কোইয়্যেগুনে মর্ উগুমে জাহাজত্ গুরিনে নিগিলি যেবাক্। মিসরর শেজ্ দিনোত্ কূশর্‌অ যন্ত্রণা অবঅ, কিত্যে সেদিন্নো তা উগুরেয়ো এবঅ।

সখরিয় 11:2

ও বেরস গাজ্‌সো আবিলেচ্ গর্, কিত্যেই এরস গাজ্‌সো পড়ি যেইয়্যে। সেরা গাজ্‌চুন ভস্ত ওই যেইয়োন্। ও বাশনর এলোন গাজ্, তুমি আবিলেচ্ গরঅ, কিত্যে গভীন্ ঝারর্ বেক গাজ্‌চুন কাবি ফেলা ওইয়্যে।

দ্বি’লম্বর বিররণ 29:24

সিয়েন দেগিনে অন্য বেক্‌ জাদ্‌তুনে পুযোর্ গুরিবাক, লগেপ্রভু কিত্তে এ দেজ্‌ছানরে এ দজা গুরিলো? কিত্তে তাঁর এই জোল্‌জোল্যে রাগ?

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”