যিহিষ্কেল 31:3 - Chakma Bible

³ আসিরিয়ার কধা চিন্তে গুরি চাহ্, তে একদিন লেবাননর্ এরস গাজ্ এলঅ। তার দোল্ দোল্ ডেলাগুন ঝারত্ ঘন ছাবা ফেলেদ; সিবে অমকদ অজল্ এলঅ, তার মাঢাবো যেন আগাজ ইধু লুম্মেগোই।

যিহিষ্কেল 31:3 ပူးပေါင်းရင်းမြစ်များ

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

যিরমিয় 17:8

তে পানি পারত্ লাগেয়্যে গাজ ধোক্ক্যেন অবঅ যিবে গঙার্ পারত্ তা শিঙোরান মিলি দে। গরম এলে তে ন-দরায়; তার্ পাদানি নিত্য য়েল্ থায়। খরান্যেত্ তার কনঅ চিদে চজ্জা ন-অয় আর তে কনদিন্‌‌অ গুলোগুলি নেইয়্যে ন-অয়।

যিরমিয় 50:18

সেনত্তে মুই ইস্রায়েলর্ গোজেন বেগত্তুন্ খেমতাবলা লগেপ্রভু আসিরিয়ার রাজারে যেবাবোত্যে সাজা দুয়োং সেবাবোত্যেগুরি বাবিল রাজা আর তা দেজ্‌‌‌চানরে মুই সাজা দিম্।

যিহিষ্কেল 17:22

প্রভু লগেপ্রভু কোইয়্যেদে, মুই নিজে এরস গাজর্ মাঢাত্তুন্ এক্কো কুজি আগা নিইনে মুড়োমুড়ির্ অজল্ চুগোত্ লাগেই দিম।

যিহিষ্কেল 19:11

তার ডেলাগুন এলাক্ দরমর, শাজন্‌গুরিয়্যেবোর রাজলুদিক্ অবার্ যগাজ্যে। সেই গাজ্‌‌সো অজল্ ওইনে যেন মেঘত্ লুমিলো; সেনত্তে তা পাদালোই-ভরা ডেলাগুন সহজে চোগোত্ পড়িলো।

যিহিষ্কেল 31:10

ইক্কিনে মুই প্রভু লগেপ্রভু কঙর্, তে অজল্ ওইয়্যে, তার মাঢাবো যেন আগাজত্ লুম্মেগোই, আর তে লাম্বা বিলিনে তার অহংকার ওইয়্যে।

যিহিষ্কেল 31:16

মরা মানুচ্চুনো লগে মুই যেক্কে তারে মরণ জাগাত্ লামেই দিলুং সেক্কে তার পড়ি যানার্ রলোই জাদ্‌‌‌‌‌তুনে গির্‌‌‌‌‌গিরে উদিলাক্। সেক্কে এদনর্ বেক গাজ্‌‌‌‌‌চুন, লেবাননর্ বেঈ লোইয়্যে আর সেরা গাজ্‌‌‌‌‌চুন আর গমেডালে পানি পেইয়্যে বেক্ গাজ্‌‌‌‌‌চুন পিত্‌‌‌‌‌থিমীর গভীনোত্ সান্তনা পেলাক্।

যিহিষ্কেল 31:17

যিগুনে তা ছাবাত্ বজত্তি গুরিদাক্, অত্তাৎ জাদ্‌তুনো ভিদিরে তা সমাজ্যেগুনে তা লগে মরণ জাগাত্ যুদ্ধোত্ মোজ্যন্দে মানুচ্চুনো ইধু লামিলাক্।‌‌‌‌

যিহিষ্কেল 31:5

এবাবোত্যেগুরি ঝারর্ বেক গাজ্‌চুনোত্তুন্ তে অজল্ ওইনে উদিলো; অমকদ পানি পানার্ কারনে তার বোউত্ ডেলা অলাক্ আর ডেলাগুন লাম্বা লাম্বা ওইনে ছিদি পড়িলাক্।

যিহিষ্কেল 31:6

আগাজর্ বেক পেখ্‌‌কুনে তার ডেলাগুনোত্ বাহ্ বানিলাক্ আর ঝারর্ বেক পেখ্‌‌কুনে তার ডেলাগুনো তলে ছঅ পুদেদাক্; তার ছাবাবোত্ বজত্তি গুরিদাক্ বেক দাঙর্ দাঙর্ জাদে।

যিহিষ্কেল 31:8

গোজেনর বাগান এরস গাজ্‌চুনেয়ো তা সমারে পাল্লা দি ন-পারিদাক্। বেরস গাজর্ ডেলাগুন্‌অ তার দাঙর্ দাঙর্ ডেলাগুনো সং ন-এলাক্; তার ডেলাগুনোর লগে আর্মোণ গাজর্ তুলনা ন-অদঅ। আজল্ কধা, গোজেনর বাগান কনঅ গাজ দোলদি তার সং সং ন-এলাক্।

যিহিষ্কেল 32:22

আসিরিয়া তার বেক সৈন্যগুনো সমারে সিয়েনত্ আঘে। তারে ঘিরিনে রোইয়্যেদে তার বেক্ মুরি যেইয়্যে মানুচ্চুনোর গোরুন্; ইগুনে বেক্কুনে যুদ্ধোত্ মুরি যেইয়োন্।

দানিয়েল 4:10

বিচ্ছোনত্ পড়িনে মুই এ দর্শনান্ দেখ্যং। মুই রিনি চেলুং এক্কো গাজ্ পিত্‌‌‌থিমীর সংমোধ্যে থিয়্যেই আঘে; সিবে অমকদ অজল্।

দানিয়েল 4:12

তা পাদানি দোল্ এলঅ আর গুলোগুলি এলাক্ বোউত্ আর সিগুনোত্তুন্ বেক্কুনে হানা পেদাক্। সিবে তলেদি মাদ য়েমানুনে আশ্রয় নেযেদাক্ আর আগাজর্ পেগ্‌কুনে তা ডেলাগুনোত্ বজত্তি গুরিদাক্; বেক্ প্রাণিগুনে সিবেত্তুন হানা পেদাক্।‌‌

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

সফনিয় 2:13

লগেপ্রভু উত্তোরেদিগুনো বিরুদ্ধে আঢ্ বাবেইনে আসিরিয়াগান ভস্ত গুরিবো আর নীনবীগানরে এক্কুবারে মানুচ্ নেইয়্যে আর ধূল্যেচর ধোক্ক্যেন শুগুনো গুরি দিবো।

সখরিয় 11:1

ও লেবানন, তর্ দোরানি খুলি দে, যেনে আগুনানে তর্ এরস গাজ্‌‌‌‌‌চুন গজক্ গুরি পারে।

সখরিয় 11:2

ও বেরস গাজ্‌সো আবিলেচ্ গর্, কিত্যেই এরস গাজ্‌সো পড়ি যেইয়্যে। সেরা গাজ্‌চুন ভস্ত ওই যেইয়োন্। ও বাশনর এলোন গাজ্, তুমি আবিলেচ্ গরঅ, কিত্যে গভীন্ ঝারর্ বেক গাজ্‌চুন কাবি ফেলা ওইয়্যে।

বিচের গুরিয়্যেগুন 9:15

সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।