যিহিষ্কেল 30:3 - Chakma Bible

³ এক্কো দর্‌‌গরেপারা দিন এজের্, কিত্যে দিন্নো কায়কুরে লুম্মেগি; সিবে মেঘে ঢাক্যে দিন আর জাদ্‌‌তুনোর শেজ্ সময়।

যিহিষ্কেল 30:3 ပူးပေါင်းရင်းမြစ်များ

গীতসংহিতা 110:6

তে নানান্ জাদর্ বিচের গুরিনে রায় দিবো; তে পিত্‌থিমীগানরে মরা মান্‌জ্যলোই ভরেই দিবো; তে পিত্‌থিমীর বেক শত্রুগুনোর মাধাগুন গুড়ি গুরিবো।

গীতসংহিতা 37:13

প্রভু হবর্ পায় পাজিগুনোর্ শেজর্ দিনুন্ ঘোনেই এজের্, সেনত্তে তারারে দেগিনে তে আযে।

যাত্রা 14:24

বেন্যেপোত্যে লগেপ্রভু মেঘ আর আগুনো থুনি ভিদিরেত্তুন্‌ মিসরীয় সৈন্যদলুনো ইন্দি রিনি চেলঅ‌ আর তারা ভিদিরে এক্কান্‌ যাগুলুক্ বাজেই দিলো।

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 13:9

চঅ, লগেপ্রভুর্ দিন্নো এজের্। সিবে চিৎনপুজ্যে, অমকদ রাগ্ আর জোল্‌জোল্যে অহুজিলোই এজের্; পিত্‌‌থিমীগানরে ভস্তর্ জাগা বানেবাত্তে আর তা ভিদিরে পাপীগুনোরে শেজ্ গুরিবাত্তে এজের্।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিরমিয় 25:31

পিত্‌থিমীর শেজ্ ধুজি সং সেই রবো শুনো যেবঅ, কিত্তে লগেপ্রভু জাদ্‌তুনো বিরুদ্ধে আবিত্তি গুরিবো। তে বেক্ মানুচ্চুনোর বিচের্ গুরিবো আর তলোয়ার ইদু পাজিগুনোরে তুলি দিবো‌‌।’ ”

যিহিষ্কেল 13:5

তারা ইস্রায়েল জাদর্ দেবাল ফাদানি তালি দিবাত্তে সিদু ন-উদোন্ যেনে লগেপ্রভুর দিনোত্ যুদ্ধোর্ সময়োত্ সিয়েন দরমরগুরি থিয়্যেই থেই পারে।

যিহিষ্কেল 29:12

ভস্ত ওই যেইয়্যে বেক্ দেজ্‌‌‌‌চানি ভিদিরে মুই মিসর দেজর্ অবস্থা আরঅ বেশ্ ভান্ন্যেই গুরি দিম; ভস্ত ওই যেইয়্যে শঅরানি ভিদিরে তার শঅরানির অবস্থা চল্লিশ বজর ধুরিনে আরঅ ভান্ন্যেই ওই থেবঅ। মুই নানান্ জাদত্ আর দেজ ভিদিরে মিসরীয়গুনোরে ছিদি দিম্।

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।

যিহিষ্কেল 32:7

তরে শেজ্ গুরি দিবার সময় মুই আগাজ্‌‌‌‌‌‌চান নাঢি দিম আর তারাগুন্ কালা গুরি দিম; মেঘ্‌‌‌‌‌‌কোই মুই বেলানরে নাঢি দিম আর চানানে পহ্‌‌‌‌‌‌র ন-দিবো।

যিহিষ্কেল 34:12

গরগে যেবাবোত্যেগুরি তার ছিদি পোজ্যে পালরে তগায় সেবাবোত্যেগুরি মুই মর্ ভেড়াগুনোরে তোগেম্। মেঘ আর আন্ধার দিনোত্ তারা যেদক্কানি জাগাত্ ছিদি পোজ্যন্ মুই সিয়েনিত্তুন্ তারারে উদ্ধোর্ গুরিম।

যিহিষ্কেল 7:10

চঅ, দিন্নো এজের্! সিগুন্ লুম্মোন্দি! সর্বনাশ্‌চান্ ফাদিনে নিগিল্যে, লুদিক্কোত্ বোল্ পোজ্যে, বাড়্‌বোগানর্ ফুল ফুট্যে।

যিহিষ্কেল 7:12

সময় ওইয়্যে, দিন এই যেইয়্যে। যিগুনে ভূই কিনোন্ তারা ফুত্তি ন-গোত্তোক্ আর যিগুনে ভূই বেজন্ তারায়ো দুঘ্ ন-গোত্তোক্, কিত্যে তারার্ বেক্কুনো উগুরে রাগ্‌‌‌‌‌‌কান আজিল্ ওইয়্যে।

যিহিষ্কেল 7:19

তারার্ রূবোনি তারা পধে পধে ফেলেই দিবাক্ আর তারার্ সোনানি অবঅ এক্কান অসিজি জিনিস। লগেপ্রভুর রাগ দিনোত্ তারার্ সোনা-রূবোনিয়ে তারারে রোক্ষ্যে গুরি ন-পারিবো। সিয়েনিলোই তারার্ পেট্‌পরা ন-মিটেব আর পেট্ ন-ভুরিবো। আজলে সিয়েনিয়ে তারারে পাপত্ ফেলেয়্যে।

যিহিষ্কেল 7:7

তুমি যিগুনে দেজত্ বজত্তি গরর্ তমা উগুরে সর্বনাশ এজের্। সময় ওইয়্যে, দিন কাজেয়্যে; সেক্কে মুড়ো-মুড়ি উগুরে হুজির্ বদলে দর্‌‌‌‌গরেপারা কিজিক্ কাজাক্ অবঅ।

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।

সফনিয় 1:7

তুমি প্রভু লগেপ্রভুর মুজুঙোত্ অলর্ অ, কিত্যে লগেপ্রভুর দিনুন্ কায়কুরে লুম্মেগি। লগেপ্রভু এক্কান উৎসর্বর আয়োজন গোজ্যে; তে যিগুনোরে বোলেয়্যে তারারে সিজি গোজ্যে।

মথি লেখ্যে গম্ হবর্ 24:33

সেবাবোত্যেগুরি তুমি এই বেক্ ঘটনাগানি দেগানার্ পরেদি তুমি বুঝি পারিবা যে সময়ান কায়কুরে লুম্মেগি, এন্ কি, দোরানত্ লুম্মেগি।

ফিলিপীয় 4:5

তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

যাকোব 5:9

ভেইলগ্, গোজেনে যেন তমারে দুষ্ ন-ধরে ইয়েনত্যে তুমি একজন আরেকজনরে দুষ ন-দুয়ো। চঅ, বিচের গুরিয়্যেবো দোরান কায়কুরে লুম্মেগি।

ফগদাং পেইয়্যে 6:17

কারন তারার্ রাগ ফগদাঙর্ সেই দাঙর্ দিন্নো লুম্মেগি, আর কন্না তা মুজুঙোত্ থিয়্যেই থেই পারে?”