যিহিষ্কেল 30:16 - Chakma Bible

¹⁶ মুই মিসর দেজত্ আগুন বাজেই দিম; সীন শঅরান্ যন্ত্রণায় মজরা যেবঅ। নো শঅর উগুরে অদাদত্ দযা এবঅ; নোফ দিনোত্ দুঘোত্ পুরিবো।

যিহিষ্কেল 30:16 ပူးပေါင်းရင်းမြစ်များ

যিরমিয় 44:1

মিসর দেজত্ যিদুক্কুন যিহূদী মিগ্‌দোল, তফন্‌হেষ, নোফ আর পথ্রোষ চাগালাত্ বজত্তি গুরিদাক্ তারা পৌইদ্যেনে লগেপ্রভুর এ কধাগান যিরমিয় ইধু ফগদাং অলঅ,

যিহিষ্কেল 28:18

তর্ বোউত্ পাপ আর ভান্ন্যেই বেবসালোই তুই নিজোর্ উবোসনার জাগায়ানি অসিজি গোজ্যস্। ইয়েনত্তে মুই তঅ ভিদিরে আগুন বাজেই দিলুং আর সিয়েনে তরে পুড়ি ফেলেল; যিগুনে দেখ্যন তারার্ বেক্কুনো চোগো মুজুঙোত্ মুই তরে মাদি উগুরে ছেই গুরি দিলুং।

যিহিষ্কেল 30:13

“‘মুই নোফর মূত্তিগুন ভস্ত গুরি ফেলেম, তার মূত্তিগুন শেজ্ গুরি দিম। মিসরত্ আর কনঅ শাজন্‌গুরিয়্যে ন-থেবাক্ আর দেজর্ বেক্কানিত্ মুই দর্‌‌‌বুগ্ ফুদেই দিম।

যিহিষ্কেল 30:14

মুই পথ্রোষরে উগুজ্যে ভূইয়ো ধোক্ক্যেন ফেলেই রাগেম, সোয়নত্ আগুন বাজেই দিম আর নো শঅরানরে সাজা দিম।

যিহিষ্কেল 30:15

মুই মিসরর ঘর সীন শঅর উগুরে মর্ রাগ্‌‌‌‌‌কান ঢালি দিম আর নো শঅরর্ বেক মানুচ্চুনোরে ছাজি ফেলেই দিম।

যিহিষ্কেল 30:17

আবেন আর পী-বেশতর গাবুজ্যেগুনে যুদ্ধোত্ মুরিবাক্ আর অন্য মানুচ্চুনে বন্দীদজাত্ যেবাক্।

যিহিষ্কেল 39:6

মুই মাগোগ উগুরে আর যিগুনে দূর দেজ্‌‌‌চানিত্ গমেডালে বজত্তি গত্তন্ তারা উগুরে আগুন পাদেম্; সেক্কে তারা হবর্ পেবাক্, মুয়ই লগেপ্রভু।

হোশেয় 9:6

যেক্কেনে তারা ভস্ত অইদ্যে আঢত্তুন্ ধেই যেবাক্ সেক্কেনে মিসরে তারারে এগত্তর্ গুরিবো আর মোফ শঅরত্ তারারে গোর্ দিবো। তারার্ তুবেয়্যে রূবো আর তারার্ থেবার ঘরানি হেরপদনা আরি কাদাগাজে ঢাগি ফেলেব।