যিহিষ্কেল 3:7 - Chakma Bible

⁷ মাত্তর্ ইস্রায়েলীয়গুনে তঅ কধানি শুনিবাত্তে ন-চেবাক্, কিত্যে তারা মঅ কধানি শুনিবাত্তে ন-চান; ইয়েনর কারনান্ অলঅ, গোদা ইস্রায়েল জাদ্‌‌‌‌তো আগাত্যা-মনর্ আর একবুচ্চ্যে।

যিহিষ্কেল 3:7 ပူးပေါင်းရင်းမြစ်များ

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 6:10

মুই কা লগে কধা কোম্ আর কারে উজিয়ার গুরিম যেনে তারা মঅ কধাগান শুনোন্? তারার কানানি ঢিবে দুয়োন সেনত্তে তারা ন-শুনোন্। লগেপ্রভুর কধানি তারার ঈচ্ গুরিবার বেপার ওইয়্যে; তারা সিয়েনত্ কনঅ গম্ ন-পান।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিরমিয় 7:27

“তুই যেক্কে এ কধানি তারারে কবে তারা তঅ কধানি ন-শুনিবাক্; তুই যেক্কে তারারে ডাগিবে তারা জোব্ ন-দিবাক্;

যিহিষ্কেল 2:4

যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে।

যিহিষ্কেল 24:7

সেই শঅর ভিদিরে লো ঝড়া ওইয়্যে। সেই লোগান্ পাত্তর উগুরে ঢালা ওইয়্যে; সিয়েন মাদিত্ ঢালা ন-অয় যিয়েনত্ ধূল্যেলোই সিয়েন নাঢা যেদঅ।

যিহিষ্কেল 3:6

যিগুনোর্ কধা তুই ন-বুঝোচ্ সেবাবোত্যে অজানা আর আগাত্যা ভাষা কোইয়্যে ভালোক্কুন্ জাদ ইধু তরে পাদা ন-অর্। যুনি তারা ইধু মুই তরে পাধেদুং সালে হামাক্কায় তারা তঅ কধানি শুনিদাক্।

যিহিষ্কেল 3:8

মাত্তর্ মুই তরে তারা ধোক্ক্যেন্ একবুচ্চ্যে আর আগাত্যা-মনর্ গুরি দিম।

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

সখরিয় 7:12

তারা তারার্ মনানি পাত্তর ধোক্ক্যেন দরমর গোজ্যন্ আর রীদি-সুদোম ন-মানন্। মুই বেগত্তুন্ খেমতাবলা লগেপ্রভু মঅ আত্মাগান্দোই পুরোণি ভাববাদীগুনোর মাধ্যমে যে কধানি পাদেয়োং সিয়েনিয়ো তারা ন-শুনোন্। সেনত্তে মর্ অমকদ রাগ্‌‌কান জুলি উঠ্যে।

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 19:14

মাত্তর্ তা দেজর্ মানুচ্চুনে তারে ঘিনেদাক্ । ইয়েনত্তে তারা তা পিজেদি মানুচ্ দিপাধেইনে হবর্ দিলাক্, আমি ন-চেই এ মানুচ্চো আমা উগুরে রাজাগিরি গোরোক্।

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।