যিহিষ্কেল 3:23 - Chakma Bible

²³ সেনত্তে মুই উদিনে কলগত্ গেলুং। কবার গাঙ পারত্ লগেপ্রভুর যে মহিমাগান দেখ্যং সেবাবোত্যে মহিমাগান্ সিয়েনত্ দেগিলুং; আর মুই মাঢা নিগিরি পড়িলুং।

যিহিষ্কেল 3:23 ပူးပေါင်းရင်းမြစ်များ

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

যিহিষ্কেল 10:18

সে পরেদি লগেপ্রভুর মহিমাগান্ লগেপ্রভুর ঘরর ফ্রেমানি উগুরেত্তুন্ যেইনে করূব্‌পুনো উগুরে থামেল।‌‌

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।

যিহিষ্কেল 8:4

আর সিয়েনত্ মঅ মুজুঙোত্ এলঅ ইস্রায়েলর গোজেনর মহিমাগান্, যিয়েনি মুই কলগত্ দর্শনর ভিদিরেদি দেখ্যং।

যিহিষ্কেল 9:3

সেক্কে ইস্রায়েলর্ গোজেনর যে মহিমাগান্ করূব্‌‌‌পুনো উগুরে এলঅ সিয়েনি সিয়োত্তুন্ উদিনে উবোসনা-ঘরর ফ্রেমান ইধু গেলঅ। লগেপ্রভু মসীনার কাবড় উজ্যে সেই মানুচ্চোরে ডাগিলো।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

গণাণা 16:42

মাত্তর্‌ যেক্কে সমাজর্‌ বেক্‌ মানুচ্চুনে মোশি আর হারোণর বিপক্ষে এগত্তর্ ওইনে মিলন-তাম্বুলো ইন্দি ঘুরিনে থিয়্যেলাক্‌ সেক্কে অদাদৎ্‌ মিলন-তাম্বুলান সে মোক্ক্যেন্দি ঢাগি গেলঅ আর লগেপ্রভুর মহিমা ফুদি উদিলো।

প্রেরিত্‌ 7:55

মাত্তর্ স্তিফানে পবিত্র আত্মালোই ভর্‌‌‌‌‌‌পুনোং ওইনে স্বর্গ ইন্দি রিনি চেইনে গোজেনর্ মহিমাগান্ দেগিলো। তে যীশুরে গোজেনর্ ডেনেদি থিয়্যেই থাগদে দেগিনে কলঅ,

যিহোশূয় 5:14

জোবত্‌ তে কলঅ‌, “মুই কারঅ‌ পক্ষর মানুচ্‌ নয়। মুই লগেপ্রভুর সৈন্যদলর সেনাপতি; ইক্কিনে মুই ইয়েনত্‌ এচ্চ্যং।” এ কধা শুনিনে যিহোশূয় মাটিত্‌ আদু পাড়ি পড়িনে তারে সালাম্‌ গুরিলো আর পুজোর্‌ গুরিলো, “মঅ গিরোজ্‌ তা চাগর্‌বোরে কি কিজু কবাত্তে চায়?”

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 5:14

সেই চের্‌‌‌বো জেদা প্রাণীয়ে কলাক্, “আমেন”। সে পরেদি সেই নেতাগুনে মাঢা নিগুরিনে জু জু জানেলাক্।

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।