যিহিষ্কেল 3:20 - Chakma Bible

²⁰ “আরঅ, যুনি কনঅ গম্ মানুচ্ তার ঠিগ্ পধত্তুন্ ফিরিনে ভান্ন্যেই কাম্ গরন আর মুই তা মুজুঙোত্ এক্কান দযা রাগাং, সালে তে মুরিবো। তুই তারে উজিয়ার ন-গরচ্ বিলি তে তার পাপত্তে মুরিবো। যেদক্কানি গম্ কাম তে গোজ্যে সিয়েনি আর ইদোত্ তুলো ন-অবঅ; মুই তরে তার্ মরণত্তে দায়ী গুরিম।

যিহিষ্কেল 3:20 ပူးပေါင်းရင်းမြစ်များ

২ বংশধর 24:2

ধর্মগুরু যিহোয়াদার পূরো জিংকানিগানত্‌ যোয়াশে লগেপ্রভুর চোগেন্দি যিয়েনি দোল্‌ সিয়েনি গুরিদো।

২ বংশধর 25:15

সেক্কে অমৎসিয় উগুরে লগেপ্রভুর রাগ্‌কান জুলি উদিলো। তে এক্কো ভাববাদীরে তাইদু পাধেই দিলো। সে ভাববাদীবো কলঅ, “সে মানুচ্চুনোরে যে দেবেদাগুনে তঅ আঢত্তুন্‌ তারার্‌ মানুচ্চুনোরে উদ্ধোর্‌ গুরি ন-পারন্‌ তুই কিত্তে তারাত্তুন্‌ বল্‌ চেলে?”

গীতসংহিতা 119:165

যিগুনে তর্ উগুমানি গম্ পান তারা অমকদ সুগ-শান্দি পান্; কনঅ কিজুত্ তারা উজুদো ন-হান্।

গীতসংহিতা 125:5

মাত্তর্ যিগুনে নিজোর বানেয়্যে বেঙা পধেদি উজুদো হাদে হাদে আঢন্ লগেপ্রভু অন্যেয়গুরিয়্যেগুনো সমারে তারারে দূর্ গুরি দিবো। ইস্রায়েলীয়গুনো উগুরে সুগ-শান্দি এজোক্!

গীতসংহিতা 36:3

তারার্ মুয়ো কধানি বজং আর ছলনালোই ভরা; বুদ্ধিবলা ধোক্ক্যেন চলানা তারা বাদ দুয়োন্, আর বাদ দুয়োন্দে গম্ কাম গরানা।

গম্ উপদেজ্ 25:12

সনার দুল্ বা গম্ সনার নেগেলেচ্ যেধোক্ক্যেন্, সেধোক্ক্যেন্ বাধ্য মান্‌‍জ্যর কানত্ জ্ঞানী মান্‌‍জ্যর সংশোধনর কধা।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিশাইয় 8:14

সালে তে অবদে এক্কান পবিত্র আশ্রয়র জাগা, মাত্তর্ ইস্রায়েলীয়গুনোর্ দ্বিয়েন দেজত্তে তে এমন্ এক্কো পাত্তর্ অবঅ যেনে মান্‌জ্যে উজোত্ হান আর যিবে মান্‌জ্যর উজোত্ হেবার্ কারন ওই থায়। যিরূশালেম মানুচ্চুনোত্তে তে অবঅ এক্কো ফাল্ আর এক্কান্ জাল।

যিরমিয় 34:16

মাত্তর্ ইক্কিনে তুমি ঘুরি যেইয়ো আর মরে অসর্মান গোজ্য; তুমি যিদুক্কুন চাগর্ আর চাগরানিরে তারার আওজ্ মজিম যেবাত্তে উদ্ধোর্ গুরি দুয়ো তুমি পত্তিজনে তারারে আরঅ ফিরেই আনিনে চাগর্-চাগরানি বানেয়ো।

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 18:24

মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

যিহিষ্কেল 18:26

যুনি এক্কো গম্ মানুচ্ তা সততাত্তুন্ ফিরিনে পাপ গরে আর মরে, সালে তে তার্ পাপত্তে মুরিবো।

যিহিষ্কেল 3:18

মুই যেক্কে এক্কো পাজি মান্‌‌‌‌‌‌‌‌জ্যরে কং, তুই হামাক্কায় মুরিবে, সেক্কে তুই যুনি তারে উজিয়ার ন-গরচ্, বা তার্ পরাণান বাঁজেবাত্তে ভান্ন্যেই পধত্তুন্ ফিরেবাত্তে কিজু ন-কচ্, সালে সেই পাজি মানুচ্চোত্তে তার পাপত্তে মুরিবে, মাত্তর্ তার মরণত্তে মুই তরে দায়ী গুরিম।

যিহিষ্কেল 33:18

এক্কো গম্ মান্‌‌‌‌‌‌জ্যে যুনি তার সততাগানত্তুন্ ফিরিনে ভান্ন্যেই কাম গরে সালে সিয়েনত্তে তে মুরিবো।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

যিহিষ্কেল 7:19

তারার্ রূবোনি তারা পধে পধে ফেলেই দিবাক্ আর তারার্ সোনানি অবঅ এক্কান অসিজি জিনিস। লগেপ্রভুর রাগ দিনোত্ তারার্ সোনা-রূবোনিয়ে তারারে রোক্ষ্যে গুরি ন-পারিবো। সিয়েনিলোই তারার্ পেট্‌পরা ন-মিটেব আর পেট্ ন-ভুরিবো। আজলে সিয়েনিয়ে তারারে পাপত্ ফেলেয়্যে।

দানিয়েল 9:18

ও মর্ গোজেন, তুই কান্ দে, শুন; তঅ চোগ্‌‌‌‌‌কুন খুল্ আর যে শঅরান তঅ নাঙে চিনেজানা সিয়েনর ভস্ত অনা একপল্লা চাহ্। আমা নিজো গুণে নয় বরং তর্ দাঙর্ দোয়্যেত্তে আমি তইদু কোজোলী গুরির্।

লেবীয় 19:17

অন্য উগুরে মন ভিদিরে ঘিনাইদে মনোভাব রাগানা ন-চলিবো। অন্য মান্‌জ্যর্‌ দুষ্‌চান্‌ হামাক্কায়্‌ দেগেই দিয়া পড়িবো যেনে তার্‌ কারনে তুমি নিজে দুষি ন-অ।

সফনিয় 1:6

যিগুনে লগেপ্রভুর পিজেদি চলানাত্তুন্ ফিরি যেইয়োন আর তার্ আওজ্ মজিম ন-চলন্ আহ্ তার্ আওজ্‌চান জানিবাত্তেয়ো ন-চান তারারে মুই শেজ্ গুরি দিম।”

মথি লেখ্যে গম্ হবর্ 18:15

তঅ ভেইবো যুনি তঅ বিরুদ্ধে অন্যেয় গরে সালে তাইধু যেইনে যেক্কে আর্ কনজন ন-থেবাক্ সেক্কে তা দুষ্‌চান দেগেই দে। যুনি তে তঅ কধানি শুনে সালে তুই দঅ তঅ ভেইবোরে ফিরি পেলে।

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

রোমীয় 11:9

রাজা দায়ূদেয়ো কোইয়্যেদে, তারার্ হানার্ পরব্‌‌পুন্ ফাল্ আর জাল ধোক্ক্যেন্ ওক্‌, সিয়েনি যেন তারার্ উজোত্ হেবার্ কারন অয়, আর তারার্ যিয়েন পাওনা সিয়েন যেন তারা পান্।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

দ্বি’লম্বর বিররণ 13:3

মাত্তর্‌ তুমি সে ভাববাদী বা স্ববনে-দেক্কে মানুচ্চোর কধানি ন-শুন্ন্য। তুমি তমার গোজেন লগেপ্রভুরে তমার বেগ্‌ মনান্‌-পরাণান্দোই কোচ্‌পঅ নাহি সিয়েনি তে তমারে পোরোক্ষেত্‌ ফেলেইনে দেগেই দের্‌।

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।