যিহিষ্কেল 3:18 - Chakma Bible

¹⁸ মুই যেক্কে এক্কো পাজি মান্‌‌‌‌‌‌‌‌জ্যরে কং, তুই হামাক্কায় মুরিবে, সেক্কে তুই যুনি তারে উজিয়ার ন-গরচ্, বা তার্ পরাণান বাঁজেবাত্তে ভান্ন্যেই পধত্তুন্ ফিরেবাত্তে কিজু ন-কচ্, সালে সেই পাজি মানুচ্চোত্তে তার পাপত্তে মুরিবে, মাত্তর্ তার মরণত্তে মুই তরে দায়ী গুরিম।

যিহিষ্কেল 3:18 ပူးပေါင်းရင်းမြစ်များ

পত্থম 2:17

মাত্তর্‌ গম্-ভান্ন্যেই-জ্ঞানর যে গাজ্‌চুয়ো আঘে সিবের্ গুলোগুন তুই হেই ন-পারিবে, কিত্তে যেদিন্যে তুই সে গুলোগুন হেবে সেদিন্যে ঘেচ্চেকগুরি তুই মুরি যেবে।

পত্থম 42:22

রূবেণে তারারে কলঅ, “মুই দঅ তমারে কোইয়োং, ‘তা উগুরে কনঅ অন্যেয় ন-গোজ্য,’ মাত্তর্‌ তুমি সিয়েন ন-শুনো। ইক্কিনে তার্ লো ঝড়ানার্ ইজেব দিবার অক্ত ওইয়্যে।”

২ শমূয়েল 4:11

সালে যিগুনে এক্কো নিদ্দুজী মান্‌জ্যরে তা নিজোর্‌ ঘরত্‌ তা নিজোর্‌ বিচ্ছোন উগুরে খুন গোজ্যেন্, মুই সেই পাজি মানুচ্চুনোরে আরঅ যে কত্তমান্‌ বেশ্ সাজা দিম্। সেনত্তে মুই তমা আঢত্তুন্‌ তার্‌ লো ঝড়ানার্‌ হেনাগান দাবি গুরিম আর পিত্তিমীর্‌ উগুরেত্তুন্‌ তমারে তুলি দিম্।”

২ রাজাবলী 1:4

ইয়েনত্তে লগেপ্রভু কত্তে, যে বিচ্ছোনানত্‌ তুই পরি আগচ্‌ সিয়েনত্তুন্‌ তুই আর ন-উদিবে। তুই ঘেচ্ছেকগুরি মুরি যেবে।’” ইয়েন্‌ কোইনে এলিয় গেলঅ।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিহিষ্কেল 18:13

তে সুদি টেঙা উদোর্ দে আর বেশ্ সুদ নেযায়। সেই পুয়োবো কি বাঁজিবো? তে ন-বাঁজিবো। এই বেক্ জঘন্য কামানি গোজ্যে বিলিনে তে মুরিবোদে মুরিবো। তে তার মরণত্তে নিজেই দায়ী অবঅ।

যিহিষ্কেল 18:20

যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

যিহিষ্কেল 3:20

“আরঅ, যুনি কনঅ গম্ মানুচ্ তার ঠিগ্ পধত্তুন্ ফিরিনে ভান্ন্যেই কাম্ গরন আর মুই তা মুজুঙোত্ এক্কান দযা রাগাং, সালে তে মুরিবো। তুই তারে উজিয়ার ন-গরচ্ বিলি তে তার পাপত্তে মুরিবো। যেদক্কানি গম্ কাম তে গোজ্যে সিয়েনি আর ইদোত্ তুলো ন-অবঅ; মুই তরে তার্ মরণত্তে দায়ী গুরিম।

যিহিষ্কেল 33:12

সেনত্তে, ও মান্‌জ্যর পুয়োবো, তুই তর্ জাদ মানুচ্চুনোরে কঅ, গম্ মানুচ্ যুনি লগেপ্রভুর অবাধ্য অয় সেক্কে তার সততাগানে তারে রোক্ষ্যে গুরি ন-পারিবো, আর পাজি মানুচ্ যুনি তার পাজিগানত্তুন্ ফিরে সালে তে তার পাজি গরানার সাজা ন-পেবঅ। গম্ মানুচ্ যুনি পাপ গরে সালে তার আগ সততাগানে তারে বাঁজেই ন-পারিবো।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

যিহিষ্কেল 34:10

মুই প্রভু লগেপ্রভু কঙর্, মুই গরগ্‌‌কুনোর বিপক্ষে; মুই তারার্ আঢত্তুন্ মর্ ভেড়াগুনোরে আদায় গুরি নেযেম। মর্ পাল চরানার্ কামত্তুন্ মুই তারারে সোরেই দিম যেনে তারা আর নিজে লাভবান ওই ন-পারন্। তারা মুয়োত্তুন্ মুই মঅ পালুন্ রোক্ষ্যে গুরিম আর ভেড়াগুন আর্ তারার হানা ন-অবাক্।

গণাণা 26:65

এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

লূকে লেখ্যে গম্ হবর্ 13:3

মুই তমারে কঙর্, সিয়েন নয়, মাত্তর্ পাপত্তুন্ মনানি ন-ফিরেলে তুমিয়ো বেক্কুনে ভস্ত অবা।

লূকে লেখ্যে গম্ হবর্ 13:5

মুই তমারে কঙর্, সিয়েন নয়; মাত্তর্ পাপত্তুন্ মনানি ন-ফিরেলে তুমিয়ো বেক্কুনে ভস্ত অবা।”

যোহন 8:21

যীশু আরঅ ফরীশীগুনোরে কলঅ, “মুই যাঙর্। তুমি মরে তোগেবা, মাত্তর্ তুমি তমা পাপে মুরিবা। মুই যিধু যাঙর্ তুমি সিধু এই ন-পারিবা।”

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।

১ শমূয়েল 8:9

ইক্কিনে তুই তারার কধানি মানি নেযা; মাত্তর্‌ তুই তারারে উঝিয়ার্‌ গুরিনে কোই দে, তারা উগুরে যে রাজাবো রাজাগিরি গুরিবো তে তারার উগুরে কেধোক্ক্যেন্ বেবহার গুরিবো।”