যিহিষ্কেল 3:15 - Chakma Bible

¹⁵ যে বন্দীগুনে কবার গাঙ ইধু তেল-আবীবোত্ এলাক্ মুই তারা ইধু গেলুং। তারা যিয়েনত্ বজত্তি গুরিদাক্ মুই সিয়েনত্ তারা ভিদিরে সাত দিন সং আমক্ ওইনে বুয়োই রলুং।

যিহিষ্কেল 3:15 ပူးပေါင်းရင်းမြစ်များ

পত্থম 50:10

যর্দন গাঙ উই পারত্‌ আটদ খামার সং যেইনে যোষেফ সাত দিন সং তা বাব নাঙে আবিলেচ্‌-গুরিবার্ অনুষ্ঠান গুরিলো। মানুচ্চুনেয়ো গুজুরি গুজুরি কানা-ধুরিলাক্।

ইয়োব 2:13

সে পরেন্দি তারা সাত দিন আর সাত রেত্‌ সং তা সমারে মাদিত্‌ বজিনে থেলাক্‌। তারা ভিদিরেত্তুন্‌ কনজনে তারে কিচ্ছু ন-কলাক্‌, কিত্তেই তা দুঘ্‌কান যে জদবদে সিয়েন তারা দেগদন।

গীতসংহিতা 137:1

বাবিলো গাঙানি পারত্ বোইনে আমি যেক্কে সিয়োন কধা ইদোত্ তুলিদোং সেক্কে আমার চোগো পানি পড়িদো।

যিরমিয় 23:9

যেরেদি ভাববাদীগুনো পৌইদ্যেনে লগেপ্রভুর কধানি শুনিনে মঅ মনান যেন ভিদিরে ভিদিরে ভাঙি পোজ্যে আর মর্ বেক আড়ুন গির্‌গিরেদন। লগেপ্রভু আর তার পবিত্র কধানিত্তে মুই মাত্তল ধোক্ক্যেন, আংগুর-রস হেইনে অমকদ মাত্তল ওইয়্যে মানজ্য ধোক্ক্যেন ওইয়োং।‍‍‍

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 1:3

বাবিলীয়গুনোর্ দেজত্ কবার গাঙ পাড়ত্ বুষির পুয়ো ধর্মগুরু যিহিষ্কেল ইধু, অত্তাৎ মইধু লগেপ্রভুর কধানি ফগদাং অলঅ। সিয়েনত্ লগেপ্রভুর আঢ্‌‌‌তানি মঅ উগুরে এলঅ।

যিহিষ্কেল 10:15

পরেদি সেই করূব্‌পুনে উগুরেদি উদিলাক্। ইগুনে সেই জেদা প্রাণী ‌‌যিগুনোরে মুই কবার গাঙ পারত্ দেখ্যং।

যিহিষ্কেল 3:23

সেনত্তে মুই উদিনে কলগত্ গেলুং। কবার গাঙ পারত্ লগেপ্রভুর যে মহিমাগান দেখ্যং সেবাবোত্যে মহিমাগান্ সিয়েনত্ দেগিলুং; আর মুই মাঢা নিগিরি পড়িলুং।

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।