যিহিষ্কেল 28:8 - Chakma Bible

⁸ তারা তরে মরণ জাগাত্ লামেবাক্; তুই সাগরর্ গভীনোত্ জদবদে শেজ্ ওই যেবে।

যিহিষ্কেল 28:8 ပူးပေါင်းရင်းမြစ်များ

ইয়োব 17:16

সেই আজাগান মরণ জাগায়ানর্ দোরান সং লামি ন-যেবঅ; মঅ লগে সিয়েন্‌ ধূল্যেলোই ন-মিজেব।”

ইয়োব 33:18

তে এধোক্ক্যান গুরিনে ভস্ত জাগানত্তুন্ তা পরাণান, মরণর আঘাদত্তুন্ তা জিংকানিগান রোক্ষ্যে গরে।

ইয়োব 33:28

মরণর জাগাত্ লামানার আধত্তুন তে মঅ পরাণান মুক্তো গোজ্যে; মুই পহর্ দেগঙর্।

গীতসংহিতা 28:1

ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

গীতসংহিতা 30:9

“মর্ মরণত্ বা মরণর জাগাত্ যানাগান কি লাভ? ধূল্যেগানে কি তর্ বাঈনী গুরিবো বা তর্ বিশ্বেজ্‌ছান ফগদাং গুরিবো?

গীতসংহিতা 55:15

মঅ শত্রুগুনো উগুরে আদিক্ক্যেন্‌গুরি মরন এজোক্; তারা জেদাবাদে পাদালত্ যাদোক্, কিত্তেই তারা ঘরত্ আর তারা মনানিত্ কুজুরোমি আঘে।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গম্ উপদেজ্ 1:12

তারা যেবাবোত্যেগুরি পুরো কিয়্যেগান্দোই জেদাবাদে মরণ জাগাত, অত্তাৎ সে গাত্তোত্ লামন্দোই, সেবাবোত্যেগুরি এজঅ, আমি তারারে জেদাবাদে পুরো গিলি ফেলেই;

গম্ উপদেজ্ 28:17

যে মানুচ্চো খুন্ গুরিনে চিদে গত্তে গত্তে দুখ্ পার্ ন-মরানা সং তে ধেই ধেই বেড়ায়; কনজনে তারে সাহায্য ন-গোরোক্।

যিশাইয় 14:15

মাত্তর্ তরে মরণ জাগাত্ লামা ওইয়্যে, অয়, সে গাদ্‌তোত্ বেগত্তুন্ তলে জাগানত্ লামা ওইয়্যে। ‌‌

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিহিষ্কেল 26:12

তারা তর্ ধন-সোম্বোত্তিগানি আর তর্ বেবসার জিনিসচানি লুদেবাক্; তারা তর্ দেবালান ভাঙি ফেলেবাক্, দোল্ দোল্ ঘরানি ভস্ত গুরি দিবাক্ আর তর্ পাত্তরুন, তক্তানি আর ধূল্যেনি সাগরত্ ফেলেই দিবাক্।

যিহিষ্কেল 27:34

তুই ইক্কিনে সাগরর আঘাতে গভীন্ পানি ভিদিরে চুরমার ওইয়োচ্; তর্ পযাপিরানি আর তর্ বেক্ মানুচ্চুন তঅ সমারে ডুবি যেইয়োন।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।