যিহিষ্কেল 28:4 - Chakma Bible

⁴ তর্ জ্ঞান আর বুদ্ধিলোই তুই নিজোত্তে ধন-সোম্বোত্তি পেইয়োচ্ আর তর্ ধন-ভান্ডালত্ সোনা আর রূবো থুবেয়োচ্।

যিহিষ্কেল 28:4 ပူးပေါင်းရင်းမြစ်များ

গম্ উপদেজ্ 18:11

তাগোয়্যেগুনোর ধন তারার দেবাল্-ঘিজ্যে শঅর; তারার ধনানরে তারা মনে গরন্ রোক্ষ্যেগুরিয়্যে দেবাল্।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিশাইয় 10:13

কিত্তে তে কইদ্যে, ‘মঅ আঢ বল্লোই আর জ্ঞান্দোই মুই ইয়েনি গোজ্যং, কিত্তে মর্ বুদ্ধি আঘে। জাদ্‌তুনোর দুযিগান মুই দূর্ গুরি দুয়োং, তারার ধন-সোম্বাত্তিগানি লুদেয়োং; খেমতাবলা বীর ধোক্ক্যেন্ মুই তারার্ রাজাগুনোরে দোঙেয়োং। ‌‌

যিরমিয় 49:4

কিত্তে তুই তর্ বোল্‌‌‌বোল্যে কলগ্‌‌‌কানিলোই বাড়্‌বো গরর্? ও অবিশ্বেজি মিলে, তঅ ধন-সম্পদ উগুরে নির্ভর গুরিনে তুই কত্তে, ‘কন্না মরে আক্রমণ গুরিবো?’

যিহিষ্কেল 27:33

তঅ বেবসার পযাপিরানি যেক্কে সাগরত্ নিগিলিদো সেক্কে তুই ভালোক্ জাদরে ঈল্ অই সং খাবেদে; তর্ বোউত্ ধন-সোম্বোত্তি আর পযাপিরা দিইনে তুই পিথ্‌‌তিমীর রাজাগুনোরে তাগোয়্যে গুরিদে।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

দানিয়েল 5:11

তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

হবক্‌‌‌‌কূক 1:16

সেনত্তে তারা তারার্ জালানর্ নাঙে য়েমান্ উৎসর্ব গরন্ আর টানা-জালর্ নাঙে আগর্‌বাট্টি জ্বালান্, কিত্যে তারার জালানিলোই তারা বোউত্ লাভ গরন্ আর গম্ গম্ হানা হান্।