যিহিষ্কেল 28:2 - Chakma Bible

² ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 28:2 ပူးပေါင်းရင်းမြစ်များ

পত্থম 3:5

গোজেনে হবর্ পায়, যেদিন্যে তুমি সেই গাজ গুলোগুন হেবা সেদিন্যে তমা চোখ্‌কুন্ খুলি যেবঅ। সেক্কে গম-ভান্ন্যেয়র জ্ঞান পেইনে তুমি গোজেন ধোক্ক্যেন অবা।”

২ বংশধর 26:16

উষিয় বোলী ওই উদোনার্‌ পরেন্দি তা মনত্‌ বাড়্‌বোগান্ অলঅ আর সেক্কে তার্‌ অধপতন অলঅ। তে আগর্‌বাট্টি-পূজোত্‌ আগর্‌বাট্টি জ্বালেবাত্তে লগেপ্রভুর ঘরত্‌ সোমেইনে তার্‌ গোজেন প্রভুর বিরুদ্ধে পাপ গুরিলো।

গীতসংহিতা 9:20

ও লগেপ্রভু, তারার্ মনত্ দর্‌বুগ্ লাগেই দে, অন্য জাদ্‌‌তুনে হবর্ পাদোক্, তারা বানা মানুচ্।

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 23:8

যে সোর অন্যগুনোর মুকুট পিনেদ, যিবের বণিককুনে রাজপুরুষ আর বেবসায়ীগুনে পিত্‌থিমীত নাঙ্-গোজ্যে, তা বিরুদ্ধে কন্না এ পরিকল্পনাগান গোজ্যে?

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিশাইয় 47:8

ইক্কিনে, ও ভোগ্ গুরিয়্যে মিলেবো, শুন; তুই নিশিদে আরামে বোইনে মনে মনে কত্তে, বানা মুয়ই আগং, মুই বাদে আর কনজন নেই। মুই কনদিন্অ রাণিমিলে ন-ওম্ বা পুয়ো-ছা আরেবার দুঘ্‌কান্ ন-পেম্।

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 28:1

পরেদি লগেপ্রভু মরে কলঅ,

যিহিষ্কেল 28:17

তর্ দোল্ অনাত্তে তর্ মনান্ অহংকারে ভুরি উঠ্যে আর তর্ সয়-সাগোজ্যে গানত্তে তুই তর্ জ্ঞানানরে বর্‌বাত্ গোজ্যস্। সেনত্তে মুই তরে মাদিত্ ফেলেই দিলুং; রাজাগুনো মুজুঙোত্ মুই তরে রাগেলুং যেনে তরে দেগিনে তারা হুজি অন্।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

যিহিষ্কেল 29:9

মিসর অবঅ এক্কান মানুচ্ নেইয়্যে ভস্তর্ জাগা। সেক্কে তঅ মানুচ্চুনে হবর্ পেবাক্, মুয়ই লগেপ্রভু। তুই কোইয়োচ্, য়েল্ গাঙান্ তর্ আর তুয়ই সিয়েন বানেয়োচ্।

যিহিষ্কেল 31:10

ইক্কিনে মুই প্রভু লগেপ্রভু কঙর্, তে অজল্ ওইয়্যে, তার মাঢাবো যেন আগাজত্ লুম্মেগোই, আর তে লাম্বা বিলিনে তার অহংকার ওইয়্যে।

দানিয়েল 11:12

দোগিণো রাজা সৈন্যগুনোরে বন্দী গুরিনে নেযেবার পরেদি অহংকারে ভরা অবঅ আর আজার্ আজার্ মান্‌‌‌‌জ্যরে মারে ফেলেব, তো তে শেজদি ন-জিদিবো।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

দানিয়েল 11:37

তার পূরোণি মানুচ্চুনোর দেবেদাগুন বা মিলেগুনে যিয়েনি চান্ সিয়েনি উগুরে তে কনঅ সর্মান ন-দেগেব; আজলে কনঅ দেবেদারে তে সর্মান ন-গুরিবো, মাত্তর্ বেক্কুনো উগুরে নিজোরে অজল্ গুরি দেগেব।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

সখরিয় 9:2

হমাৎ, যিয়েন হদ্রকর দুযি কুরে আঘে সিয়েন্‌অ বিরুদ্ধেয়ো লগেপ্রভুর কধানি পূরোন অবঅ। যুনিয়ো সোর আর সীদোন মানুচ্চুনে অমকদ জ্ঞানী, তো তারার্ বিরুদ্ধে সিয়েন পূরোন অবঅ।

লূকে লেখ্যে গম্ হবর্ 14:9

সালে যে তরে আর তারে হেবাত্যে বোলেইয়্যে তে এইনে তরে কবঅ, এ জাগায়ান্ তারে ছাড়ি-দে। সেক্কে দঅ তুই লাজেইনে বেগত্তুন্ তলে জাগানত্ ববাত্যে যেবে।

দ্বি’লম্বর বিররণ 8:14

সেক্কে তুমি বার্বো ওইনে উদিবা আর যিবে মিসর দেজর্‌ চাগর্‌ খাদানাত্তুন্‌ তমারে নিগিলেই আন্যে তমার সেই গোজেন লগেপ্রভুরে তুমি ভুলি যেবা।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

১ তীমথিয় 3:6

মন্ডলীর পরিচালক্‌কো যেন নুয়ো বিশ্বেজি ন-অয়, কিয়া নুয়ো বিশ্বেজি অলে তে অয়ত দেমাগে ফুলি উদিবো আর শদানরে দিয়্যে সাজার যগাজ্জ্যে অবঅ।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

ফগদাং পেইয়্যে 17:3

সে পরেদি সেই স্বর্গদূত্‌তো মরে ধূল্যেচর চাগালাত্ নেযেল। সেক্কে মুই পবিত্র আত্মার্ অধিনোত্ এলুং। সিয়েনত্ মুই এক্কো মিলেরে এক্কো রাঙা রংয়র্ য়েমান উগুরে বৈ থাদে দেগিলুং। গোজেনরে অগমান গুরিবাত্যে ভালক্কানি নাঙ্ সেই য়েমান্নো উগুরে লেগা এলঅ। তার্ সাত্‌টো মাঢা আর দোচ্‌শো শিং।

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’