যিহিষ্কেল 27:9 - Chakma Bible

⁹ গবালর বুড়ো নেতাগুন কাবিল্ মানুচ্ ইজেবে তইধু ঠিগ্ গরানার কাম গুরিদাক্। সাগরর্ বেক জাহাজ্‌‌‌‌‌‌চানি আর সিয়েনির নাবিক্‌‌‌‌‌‌কুনে তর্ পযাপিরানি দেনা-নেযানা তইধু ভিরেদাক্।

যিহিষ্কেল 27:9 ပူးပေါင်းရင်းမြစ်များ

১ রাজাবলী 5:18

শলোমন আর হীরমর কালিগরুনে আর গিব্লীয়োগুনে সে পাত্তরুন্‌ দোল্‌ গুরি কাবিনে তবনা-ঘরান বানেবাত্তে গাজ আর পাত্তর্‌ যুক্কোল্‌ গুরিদাক্।

গীতসংহিতা 104:26

সিয়েন উগুরে জাহাজ চলের্, সিয়েনত্ লিবিয়াথনেয়ো আঘে; তারে তুই সাগরত্ খারা হবাত্তে বানেয়োচ্।

গীতসংহিতা 83:7

গবালীয়গুনে, অম্মোনীয়গুনে, অমালেকীয়গুনে আর সোর-আদাম্মেগুনো সমারে পলেষ্টীয়গুনে;

গীতসংহিতা 83:8

এন্ কি, আসিরিয়োগুনেয়ো তারা সমারে মিজেয়োন আর লোটর বংশধরুনোর ডেন আত্ ওইয়োন।

যিহোশূয় 13:5

গিব্‌লীয়গুনোর চাগালা, পূগেদি হর্মোণ মুড়োবোর তলেদি বাল্‌গাদত্তুন হমাৎ সং পুরো লেবানন আর লেবাননত্তুন্‌ মিষ্রফোৎ-ময়িম সং মুড়ো-মুড়ি চাগালাগান্‌, অত্তাৎ সীদোনীয়গুনোর বেক্‌ দেজ্‌চানি। মুই নিজেই ইস্রায়েলীয়গুনো মুজুঙোত্তুন্‌ বেক্কুনোরে ধাবেই দিম্‌। মুই তরে যেধোক্ক্যেন্‌ উগুম্‌ দুয়োং সেই মজিম তুই এ দেজ্‌চান সোম্বোত্তি ইজেবে ইস্রায়েলীয়গুনোরে দিবে।

ফগদাং পেইয়্যে 18:11

পিত্‌থিমীর বেবসায়ীগুনেয়ো তাত্যেই কানিবাক্ আর দুঘ্ পেবাক্, কিয়া তারার্ জিনিচ্চানি আর কেঅ ন-কিনিবাক্।

ফগদাং পেইয়্যে 18:3

কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”