যিহিষ্কেল 27:8 - Chakma Bible

⁸ সীদোন আর অর্বদ মানুচ্চুনে তর্ জাহাজ পাঙেইয়ানি ধুরিদাক্। ও সোর, কাবিল্ মানুচ্চুনে তর্ নাবিক এলাক্।

যিহিষ্কেল 27:8 ပူးပေါင်းရင်းမြစ်များ

পত্থম 10:15

কনান দাঙর পুয়োবো নাঙান এলঅ সীদোন। সে পরেদি হেতর জর্ম ওইয়্যে।

পত্থম 10:18

অর্বদীয়, সমারীয় আর হমাতীয়গুনেয়ো এলাক্ কনান বংশর মানুচ্‌। পরেদি এ কনানীয় পরিবারুন ছিদি পড়িলাক্‌।

পত্থম 49:13

সবূলূন বড়্‌গাঙ পাড়ত্‌ বজত্তি গুরিবো; তে জাহাজ্‌ছানি ভিড়েবার্‌ বন্দর অবঅ; তা দেজর্‌ দুযিগান সীদোন ইন্দি যেবঅ।

১ রাজাবলী 5:6

“সেনত্তেই তুই উগুম্ গর্‌ যেনে মত্তে লেবানন দেজর্‌ এরস গাজ্‌ছুন কাবা অয়। মঅ মানুচ্চুনে হামাক্কায় তঅ মানুচ্চুনো লগে থেবাক্‌ আর তুই যে বেতনুন্‌ ঠিগ্ গুরি দিবে মুই সে বেতনুন্ তঅ মানুচ্চুনোরে দিম্‌। তুই দঅ হবর্ পাজ্, গাজ্‌ কাবেদে কামত্‌ সীদোনীয়গুনো ধোক্ক্যেন কাবিল মানুচ্‌ আমা ইদু কনজন নেই।”

১ রাজাবলী 9:27

শলোমন মানুচ্চুনোর লগে নোকোত্‌ কাম গুরিবাত্তে হীরমে তার কয়েকজন কাবিদ্যং নাবিক পাধেই দিলো।

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

যিহিষ্কেল 27:11

অর্বদ আর হেলেকর মানুচ্চুনে তর্ চেরোকিত্তে দেবাল উগুরে চুগি দিদাক্, আর গাম্মাদর মানুচ্চুনে তর্ অজল্ চুগিদার-ঘরত্ চুগি দিদাক্। তর্ চেরোকিত্তে দেবালত্ তারা তারার্ ঢালানি টাঙেই রাগেদাক্; তর্ দোলর্ ভর্‌‌‌‌‌‌‌পুনঙান্ তারাই আন্যন্।

যিহিষ্কেল 27:28

তর্ নাবিক্কুনোর রঅ ছাড়নিলোই সাগর পারর্ জাগায়ানি গির্‌‌‌গিরে উদিবো।

যিহিষ্কেল 28:21

“ও মান্‌‌‌‌‌‌‌‌‌জ্যর পুয়োবো, তুই সীদোন ইন্দি তর্ মুয়োন থোইনে তা বিরুদ্ধে আগাম্ কধা কঅ,

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।