যিহিষ্কেল 27:5 - Chakma Bible

⁵ সনীর চাগালার বেরস গাজত্তুন্ তারা তর্ বেক তক্তানি বানেয়োন; তর্ জাহাজ পাল খুদোবো বানেবাত্তে তারা লেবাননত্তুন্ এরস গাজ্ আন্যন্।

যিহিষ্কেল 27:5 ပူးပေါင်းရင်းမြစ်များ

১ রাজাবলী 5:1

সোরের রাজা হীরমে যেক্কে শুনিলো, শলোমনরে তা বাবঅ জাগানত্‌ রাজপদথ্‌ অভিষেগ গরা ওইয়্যে সেক্কে তা মানুচ্চুনোরে তে শলোমনর্ ইদু পাদেল, কিত্তেই দায়ূদ লগে তার সমাজ্যের মিল্ এলঅ।

১ রাজাবলী 5:6

“সেনত্তেই তুই উগুম্ গর্‌ যেনে মত্তে লেবানন দেজর্‌ এরস গাজ্‌ছুন কাবা অয়। মঅ মানুচ্চুনে হামাক্কায় তঅ মানুচ্চুনো লগে থেবাক্‌ আর তুই যে বেতনুন্‌ ঠিগ্ গুরি দিবে মুই সে বেতনুন্ তঅ মানুচ্চুনোরে দিম্‌। তুই দঅ হবর্ পাজ্, গাজ্‌ কাবেদে কামত্‌ সীদোনীয়গুনো ধোক্ক্যেন কাবিল মানুচ্‌ আমা ইদু কনজন নেই।”

১ বংশধর 5:23

মনঃশি-গুট্টির অদ্দেক্‌ মানুচ্‌ বাশনত্তুন্‌ বাল-হর্মোণ, সনীর আর হর্মোণ মুড়োবো সং যে জাগায়ানি এলঅ সিদু বজত্তি গরা ধুরিলাক্‌। তারা জনেদি বালুক্কুন্‌ এলাক্‌।

২ বংশধর 2:7

“মঅ‌ বাপ্পো দায়ূদে কাবিল্‌ কালিগরুনোরে ঠিগ্‌ গুরি রাগেয়্যে যিগুনে ইক্কিনে যিহূদা আর যিরূশালেমত্‌ মইদু আগন্‌। তারার্‌ লগে কাম্‌ গুরিবাত্তে তুই মরে এন্‌ এক্কো কাবিল্‌ কালিগর পাধেই দে যে সোনা-রূবো, পিদোল আর লুয়োর্‌ কামানি, বিগুনো রঙর্‌, রাঙা আর য়েল্‌ রঙর্‌ সুদোর্‌ কামানি আর কাবিনে লেগেদে কামানি গুরি জানে।

গীতসংহিতা 104:16

লগেপ্রভুর বানেয়্যে বেক গাজ-বাশছুন্ বোউত্ ঝড় পান; তার লাগেয়্যে লেবাননর্ এরস গাছ্‌চুনেয়ো ঝড় পান্।

গীতসংহিতা 29:5

সেই রবো এরস গাজ্‌সোরেয়ো ভাঙি ফেলায়; লগেপ্রভু লেবাননর্ এরস গাজ্‌সোরে কট্টা কট্ট গোজ্যে।

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

পরমগীত 4:8

মেলা ঘরর্ মর্ বৌবো, লেবাননত্তুন্ মঅ সমারে আয়, মঅ সমারে লেবাননত্তুন্ আয়। অমানার্ মুড়ো চুক্কোত্তুন্, শনীর আর হর্মোণ মুড়োবোর্ উগুরেত্তুন্, সিংহ গাদত্তুন্, হোক্যে বাঘর্ মুড়োমুড়ি থেবার্ জাগানত্তুন্ তুই লামি আয়।

যিশাইয় 14:8

এমন্ কি, বেরস আর লেবাননর্ এরস গাজ্‌‌ছোয়ো হুজিয়ে বাবিলোর রাজারে কত্তে, ইক্কিনে তরে মাদিত্ ফেলেই দিয়্যে ওইয়্যে বিলিনে কনঅ দার্‌‌‌বো কাবিয়্যে আর আমারে কাবিবাত্তে ন-এজন্।

যিহিষ্কেল 27:4

সাগর ভিদিরে তর্ রেজ্যগান; এক্কান দোল্ জাহাজ ধোক্ক্যেন গুরি মিস্ত্রিগুনে তর্ দোলান্ ফিরি আন্যন্।

দ্বি’লম্বর বিররণ 3:9

সীদোনীয়গুনে হর্মোণরে সিরিয়োণ বিলি কন্‌ আর ইমোরীয়গুনে কন্দে সনীর।