যিহিষ্কেল 27:36 - Chakma Bible

³⁶ জাদ্‌‌‌তুনো ভিদিরে বেবসায়িগুনে তরে দেগিনে ঈচ্ গত্তন্। তুই দর্‌‌‌গরেপারা শেজ্ ওই যেইয়োচ্; তুই আর ন-থেবে।’”

যিহিষ্কেল 27:36 ပူးပေါင်းရင်းမြစ်များ

১ রাজাবলী 9:8

এ তবনা-ঘরান্‌ ইক্কিনে দাঙর্‌ অলেয়ো সেক্কে যিগুনে তা কুরেন্দি যেবাক্‌ তারা আমক্‌ ওই উদিবাক্‌ আর ঈচ্ গুরিনে কবাক্, ‘হিত্তেই লগেপ্রভু এ দেজ্‌ছান্‌ আর এ তবনা-ঘরান উগুরে এধোক্কেন্‌ গুরিলো?’

গীতসংহিতা 37:10

আর কয়েকদিন পরেদি পাজিগুনে শেজ্ ওই যেবাক্; তোগেলেয়ো তারার্ জাগায়ানিত্ পাহ্ ন-যেবঅ।

গীতসংহিতা 37:36

সে পরেন্দি তে শেজ্ ওই গেল, আর্ ন-রলঅ; মুই তারে তোগেলুং, তারে পাহ্ ন-গেলঅ।

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 19:8

মুই এ শঅরানরে ভস্ত গুরিম আর ঈচ্ গরেদে ধোক্ক্যেন গুরিম; যিগুনে সিয়েন ইন্দি যেবাক্ তারা বেক্কুনে তার বেক আঘাত্‌তানি দোরেবাক্ আর ঈচ্ গুরিবাক্।‌‌

যিরমিয় 49:17

ইদোমের অবস্থা দেগিনে মানুচ্চুনে আমক্ অবাক্; যিগুনে তা কায়-কুরেদি যেবাক্ তারা বেক্কুনে অমকদ দোরেবাক্ আর তার্ বেক আঘাত্‌‍‍‌‌তানিত্তে তারে ঠাট্টা-মশ্‌‍‍‌‌কারি গুরিবাক্।

যিরমিয় 50:13

লগেপ্রভুর রাগর্ কারনে সিয়েন ভিদিরে কনজনে বজত্তি ন-গুরিবাক্, সিয়েন এক্কুবারে ভস্ত ওইয়্যে জাগা অবঅ। যিগুনে বাবিল কায়-কুরেদি যেবাক্ তারা বেক্কুনে আমক্ অবাক্ আর সিয়েনর বেক্ আঘাত্‌‌তানি দেগিনে ঠাট্টা-মশ্‌‌কারি গুরিবাক্।

আবিলেচ্ 2:15

যিগুনে তঅ কায়-কুরেদি যান তারা তরে দেগিনে আঢ্‌তালি দুয়োন; তারা যিরূশালেম-ঝিবোরে দেগিনে ঠাট্টা-মশ্‌কারি গরন্ আর মাঢাগুন লাড়েইনে কন্, “ইয়েন কি সেই শঅর্ যিয়েনরে কুয়ো অদঅ বেগত্তুন্ দোল্‌বি, যিয়েনরে নিইনে গোদা পিত্‌‌থিমীগানে ফুত্তি গুরিদো?”

যিহিষ্কেল 26:14

মুই তরে পাত্তর্ ধোক্ক্যেন গুরি রাগেম আর তুই অবে জাল্ শুগেবার জাগা। তরে আর বানা ন-অবঅ, কিত্যে মুই প্রভু লগেপ্রভু এ কধাগান কঙর্।

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

যিহিষ্কেল 26:21

মুই তরে দর্‌‌‌‌‌‌‌‌‌‌‌গরেপারা শেজ্ গুরি দিম্; তুই আর ন-থেবে। মানুচ্চুনে তরে তোগেবাক্ মাত্তর্ তরে আর কনদিনঅ পাহ্ ন-যেবঅ। মুই প্রভু লগেপ্রভু এ কধাগান কঙর্।”

যিহিষ্কেল 28:1

পরেদি লগেপ্রভু মরে কলঅ,

যিহিষ্কেল 28:19

যিদুক্কুন জাদে তরে চিনিদাক্ তারা তরে দেগিনে আমক্ ওই গেলাক্। তুই দর্‌‌‌‌‌‌‌‌গরেপারা শেজ্ ওই যেয়োচ্; তুই আর ন-থেবে।’”

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌