যিহিষ্কেল 27:32 - Chakma Bible

³² তারা তত্তে গুজুরি গুজুরি কানিবাক্ আর চিৎপরা হেবাক্; তরে নিইনে তারা এই আবিলেচ্ গুরিবাক্; “‘সাগর-ঘিজ্যে সোর ধোক্ক্যেন্ গুরি আর কাররে কি জুরো গুরি দিয়্যে ওইয়্যে?

যিহিষ্কেল 27:32 ပူးပေါင်းရင်းမြစ်များ

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

যিহিষ্কেল 26:12

তারা তর্ ধন-সোম্বোত্তিগানি আর তর্ বেবসার জিনিসচানি লুদেবাক্; তারা তর্ দেবালান ভাঙি ফেলেবাক্, দোল্ দোল্ ঘরানি ভস্ত গুরি দিবাক্ আর তর্ পাত্তরুন, তক্তানি আর ধূল্যেনি সাগরত্ ফেলেই দিবাক্।

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 27:2

ও মান্‌‌‌‌‌‌‌‌‌‌‌‌জ্যর্ পুয়োবো, সোরর পৌইদ্যেনে তুই আবিলেচ্ গর্।

যিহিষ্কেল 27:26

যিগুনে পাঙেই বেদাক্ তারা তরে মাঝ দরিয়ায় নেযেয়োন; মাত্তর্ সাগরর্ সংমোধ্যে পূগে বোইয়্যেরে তুই কট্টা কট্টা ওই গেলে।

যিহিষ্কেল 28:12

“ও মান্‌‌জ্যর্ পুয়োবো, সোরর রাজা পৌইদ্যেনে তুই আবিলেচ্ গুরি গুরি তারে কঅ, প্রভু লগেপ্রভু কোইয়্যেদে, ‘তুই এলে পুরোপুরি থুদি নেইয়্যে, জ্ঞানে ভরা আর দোল্‌‌লোই পরিপূরোন্।

ফগদাং পেইয়্যে 18:18

তারে পুড়িবার সময়োত্ ধূমো দেগিনে তারা রঅ ছাড়িনে কলাক্, “আর কন্ শঅরান এই নাঙ্-গোজ্জ্যে শঅরান ধোক্ক্যেন?”