যিহিষ্কেল 27:31 - Chakma Bible

³¹ তারা তত্তে মাঢা মুড়েবাক্ আর বস্তা ফাদা পিনিবাক্। তারা মনত্ দুঘে তত্তে আবিলেচ্ গুরি গুরি অমকদ কানিবাক্।

যিহিষ্কেল 27:31 ပူးပေါင်းရင်းမြစ်များ

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 16:9

সেনত্তে মুই যাসের ধোক্ক্যেন সিব্‌মার আংগুর লুদিগানত্তে কানঙর্। ও হিষ্‌বোন, ও ইলিয়ালী, মুই চোগো পানিয়ে তমারে ভিজেম্। পাগানা ফল আর খেত্-খেত্তিগানি কাবিবাত্তে তমা হুজির্ রঅ ছাড়ানা থামেই দিয়্যে ওইয়্যে।‍

যিশাইয় 22:12

সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

যিশাইয় 22:4

সেনত্তে মুই কলুং, “মঅ কায়-কুরেত্তুন যগোই; মরে যদবদে কানিবাত্তে দুয়ো। মঅ মানুচ্চুন ভস্ত ওইয়োন বিলিনে মরে বুঝেবার চেষ্ট্যা ন-গোজ্জ্য।”

যিশাইয় 3:24

তুম্বাজ বদলে পজা বাজ্, কমর বিজোনি বদলে দুড়ি, দোল্ গুরি আজুজ্যে চুলান্ বদলে টাক্, মংগা কাবড় বদলে বস্তার চট্, আর দোলান বদলে পুজ্যে দাগ থেবঅ।

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 47:5

গাজা আবিলেচ্ গুরিনে তা মাঢাবো মুড়েব; অস্কিলোনরে ভস্ত গরা অবঅ। ও কলগর্ বাদবাগি মানুচ্চুন, আর কয়দিন তুমি নিজো কিয়্যেনি কাবিবা?

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

যিহিষ্কেল 29:18

ও মান্‌‌‌‌‌‌জ্যর পুয়োবো, বাবিলর রাজা নবূখদ্‌নিৎসর সোরের বিরুদ্ধে যুদ্ধোর সময় তার সৈন্যদলরে এদক্ বেশ্ খাদেয়্যেদে যে, তারার্ বেক্কুনোর মাঢার্ চুল উদি যেইয়্যে আর কানাগানির চামাড়ানি উদি যেইয়্যে। তো সোরর বিরুদ্ধে তে যে যুদ্ধো চালেয়্যে সিয়োত্ তার বা তা সৈন্যদলর কনঅ লাভ ন-অয়।

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

লেবীয় 21:5

ধর্মগুরুগুনোর্‌ মাদা মুড়োনা, দাড়ির্‌ কাজানি কাবানা বা কিয়্যের্‌ কনঅ জাগাত্‌ ঘা গরানা ন-চলিবো।

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

যোনা 3:6

রাজা ইধু সে হবরান লুমোনার্ পরেদি তে তার্ সিংহাসনান্ ছাড়ি উদিনে তা রাজপোজাক্কানি খুলি ফেলেল আর বস্তা পাদা পিনিনে ছেইয়ো সংমোধ্যে বুজিলো।

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

মীখা 1:8

ইয়েনত্তে মুই কানাকুদি আর আবিলেচ্ গুরিম; মুই খালি টেঙে লাংটা ওইনে ঘুরি বেড়েম। মুই শিয়েলর আর পেজা ডগরেদে ধোক্ক্যেন গুরি আবিলেচ্ গুরিম।

দ্বি’লম্বর বিররণ 14:1

তুমি তমার গোজেন লগেপ্রভুর পূঅ। সেনত্যে মরা মান্‌জ্যত্যে আবিলেচ্‌ গুরিবাত্তে যেইনে কিয়্যেগানর্‌ কনঅ জাগাত তমাত্তুন্‌ ঘা গুরি ন-পারিবা, বা কুল্লো মুজুঙেন্দি চুলান কাবি ন-পারিবো।