যিহিষ্কেল 27:30 - Chakma Bible

³⁰ তারা তত্তে রঅ ছাড়িনে অমকদ কানাকুদি গুরিবাক্ আর নিজো মাঢাত্ ধূল্যে দিবাক্ আর ছেইয়ো ভিদিরে গোজ্যেবাক্।

যিহিষ্কেল 27:30 ပူးပေါင်းရင်းမြစ်များ

২ শমূয়েল 1:2

তিন দিনোত্‌ শৌল সৈন্যগুনোর-তাম্বুলোত্তুন্‌ এক্কো মানুচ্‌ দায়ূদো ইদু এলঅ। আবিলেজ্‌ হানার চিহ্নো ইজেবে তা কিয়্যের্‌ কাবড়-চুগোড়ানি ফাদা এলঅ আর মাঢাত্‌ ধুল্যে এলঅ। তে দায়ূদো ইদু যেইনে মাদিত্‌ পড়িনে তারে সালাম্‌ গুরিলো।

ইয়োব 2:12

তারা দূরোত্তুন্‌ তারে দেগিনে চিনি ন-পারিলাক্‌। তারা দাঙর্‌ দাঙর্‌ গুরি কানা ধুরিলাক্‌ আর নিজো কাবড়ানি ফাদিনে মাধা উগুরে আগাজ ইন্দি ধূল্যে ছিদিলাক্‌।

ইয়োব 2:8

সেক্কে ইয়োবে ছেইয়োর সংমোধ্যে বজিনে সার্‌ভাঙালোই নিজো কিয়্যেগান্‌ ঘজা ধুরিলো।

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

যিরমিয় 25:34

ও পালক্কুন, তুমি কানঅ, আবিলেচ্ গরঅ; ও পালর্ নেতাগুন, তুমি ধূল্যেত্ এগুড়্-উগুর্ কঅ, কিত্তে তমারে কাবি ফেলেবার সময় এচ্চ্যে; তুমি দোল্ এক্কো মাদি পিলে ধোক্ক্যেন কট্টা কট্টা ওই যেবা।

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

যিহিষ্কেল 26:17

সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যোনা 3:6

রাজা ইধু সে হবরান লুমোনার্ পরেদি তে তার্ সিংহাসনান্ ছাড়ি উদিনে তা রাজপোজাক্কানি খুলি ফেলেল আর বস্তা পাদা পিনিনে ছেইয়ো সংমোধ্যে বুজিলো।

মীখা 1:10

তুমি গাতত্ এ কধাগান ন-জানেয়ো, এক্কেনায়ো কানাকুদি ন-গোজ্য। তুমি বৈৎ-লি-অফ্রাতদ্ ধূল্যেত্ গজ্জ।

১ শমূয়েল 4:12

সেদিন্যে বিন্যামীন-গুট্টির এক্কো মানুচ্‌ সৈন্যদল ভিদিরেত্তুন নিগিলিনে দাবা যেইনে শীলোদত্ যেইনে লুমিলোগোই। তার কাবড়-চুগোরানি ফাদা এলঅ আর তে মাদাবোত্‌ মাদি তুল্যে।