যিহিষ্কেল 27:19 - Chakma Bible

¹⁹ বদান আর গ্রীসর মানুচ্চুনে তঅ পযাপিরানির বদলে দিদাক্ উষলত্তুন আন্যে পিদেয়্যে লুয়ো, দারচিনি আর বচ।

যিহিষ্কেল 27:19 ပူးပေါင်းရင်းမြစ်များ

গীতসংহিতা 45:8

গন্ধরস, অগুরু আর দারচিনির তুম্বাজে তর্ রাজপোশাকে তুম্বাজ্ ওইয়্যে; এদোর্ দাত্ বোজেইনে রাজঘরত্ তার যন্ত্রলোই যে বাজনা বাজে সিয়েনে তরে হুজি গরে।

গম্ উপদেজ্ 7:17

গন্ধরস, অগুরু আর দারচিনিলোই মঅ বিচ্ছোনান্ তুম্বাজ্ গোজ্যং।

যিহিষ্কেল 27:12

তর্ অমকদ ধন-সম্পদত্তে তর্শীশে তঅ লগে বেবসা গুরিদো; রূবো, লুয়ো, টিন আর সীসের বদলে তারা তঅ পযাপিরানি নিদাক্।

যিহিষ্কেল 27:13

গ্রীস, তূবল আর মেশকে তঅ লগে বেবসা গুরিদাক্; তারা তর্ পযাপিরানির বদলে চাগর্-চাগরানি আর পিদোল পিলে দিদাক্।

যিহিষ্কেল 27:18

তর্ বানেয়্যে ভালোক্কানি পযাপিরা আর অমকদ ধন-সম্পদত্তে দামেস্ক হিল্‌‌‌‌‌‌‌‌বোনর আংগুর-রস আর ধুব্ কেশ্‌‌‌‌‌‌‌‌চোই তঅ লগে বেবসা গুরিদাক্।

যিহিষ্কেল 27:20

দদানে তঅ লগে ঘোড়া পিঠর্ গদি কাবড়র বেবসা গুরিদো।

বিচের গুরিয়্যেগুন 18:29

শঅ্‌রানর পুরোণি নাঙান্‌ লয়ীশ অলেয়ো তারা তারার পূরোনি বুড়োবুড়িগুনোর নাঙ্‌ অনুসারে সিয়েনর নাঙান্‌ রাগেলাক্‌ দান। দান অলদে ইস্রায়েলর পূঅ।